தமிழில் கடந்த 2017-ம் ஆண்டு முதல் பிக்பாஸ் நிகழ்ச்சி விஜய் டிவியில் ஒளிபரப்பாகி வருகிறது.
இந்நிகழ்ச்சிக்கு அரசியல்வாதிகள், சமூக அமைப்புகளிடம் இருந்து எதிர்ப்புக் குரல்கள் எழுந்தாலும் அது நிகழ்ச்சிக்கான புரமோஷனாக மாறி விடுகிறது.
இதுவரை நான்கு சீசன்கள் நடந்து முடிந்துள்ளது . முதல் சீசனில் நடிகர் ஆரவ்வும், இரண்டாவது சீசனில் ரித்விகாவும், மூன்றாவது சீசனில் முகென் ராவும், 4-வதாக நடிகர் ஆரியும் வெற்றி பெற்றுள்ளனர்.
4 சீசன்களையும் கமல்ஹாசனே தொகுத்து வழங்கி வந்த நிலையில் தற்போது 5 -வது சீசனுக்கும் அவர்தான் தொகுப்பாளர் என்ற தகவல் வெளியாகியுள்ளது.
வழக்கம் போல ஜூன் மாதத்தில் பிக்பாஸ் நிகழ்ச்சியை நடத்த நிகழ்ச்சிக்குழு திட்டமிட்டிருப்பதாக கூறப்படுகிறது. அதற்கான முதற்கட்ட பணிகளில் பிக்பாஸ் குழுவினர் ஈடுபட்டு வருவதாகவும் தகவல் வெளியாகியுள்ளது.