கடந்த வருடம் விஜய் தொலைக்காட்சியில் ஒளிபரப்பான பிக்பாஸ் சீசன் 4 நிகழ்ச்சி மக்கள் மத்தியில் பெரிய வரவேற்பு கிடைத்தது. அதில் சுரேஷ் சக்கரவர்த்தி அனைவரின் கவனத்தையும் ஈர்த்தார்.
சுரேஷ் சக்கரவர்த்தி. தமிழ் மற்றும் தெலுங்கு மொழியில் ஏராளமான படங்களில் நடித்துள்ளார்.
சமையல் கலைஞரான சுரேஷ் சக்கரவர்த்தி சக்ஸ் கிட்சன் என்ற சமையல் நிகழ்ச்சிக்கான யூட்யூப் சேனலையும் நடத்தி வருகிறார்.
இந்நிலையில் சட்டசபை தேர்தலில் போட்டியிடும் மக்கள் நீதி மய்யம் கட்சிக்கு ஆதரவாக நடிகர் சுரேஷ் சக்கரவர்த்தி பிரசாரம் செய்து வருகிறார். வரும் 6 ஆம் தேதி தமிழக சட்டசபைக்கு தேர்தல் நடைபெறுகிறது.
சுரேஷ் சக்கரவர்த்தி கமல் ஹாசனின் மக்கள் நீதி மய்யம் கட்சிக்காக தீவிர பிரசாரத்தில் ஈடுபட்டுள்ளார். கழுத்தில் மக்கள் நீதி மய்யம் கட்சியின் துண்டு, கையில் டார்ச் லைட் என மக்களிடம் சுரேஷ் சக்கரவர்த்தி வாக்கு சேகரிக்கும் போட்டோவை தனது சமூக வலைதள பக்கத்தில் ஷேர் செய்துள்ளார். இந்த போட்டோவை பார்த்த நெட்டிசன்கள், இந்த புகைப்படத்தை ட்ரெண்ட் செய்து வருகின்றனர்.