காசியாபாத்
தெரு நாய்க்கூட்டம் ஒன்று சேர்ந்து இரண்டு வயது பெண் குழந்தையை தின்றுள்ளன
உத்திரப் பிரதேச மாநிலத்திலுள்ளது காசியாபாத் மாவட்டம். அந்த மாவட்டத்தில் மோடிநகர் என்னும் ஊரில் கோவிந்த் நகர் என ஒரு பகுதி உள்ளது. அந்த பகுதியில் பீம் நகர் என ஒரு குடியிருப்பு அமைந்துள்ளது. திங்கள் கிழமை இரவு அந்தப் பகுதியில் ஒரு பெண் குழந்தை விளையாடிக் கொண்டிருந்துள்ளார். யாரும் அருகில் இல்லாமல் அந்தப் குழந்தை தனியே விளையாடிக்க் கொண்டு இருந்துள்ளது.
அப்போது அந்தக் குழந்தையை தெரு நாய்கள் கூட்டம் சூழ்ந்துக் கொண்டுள்ளது, அந்தக் குழந்தையை கடித்து அருகில் உள்ள வயல் காட்டுக்கு எடுத்துச் சென்ற நாய்கள் அந்தக் குழந்தையை தின்றுள்ளன. அடுத்த நாள் குழந்தையை தேடும் போது அந்த பகுதிவாசிகளுக்கு விவரம் தெரிந்துள்ளது.
ஏற்கனவே பல முறை நாய்கள் தொந்தரவு குறித்து அந்தப் பகுதிவாசிகள் புகார் அளித்தும் நகராட்சி நடவடிக்கை எடுக்காததை எதிர்த்து அவர்கள் போராட்டம் நடத்தினர். அதன் பிறகு நகராட்சி அதிகாரிகள் அந்தப் பகுதியில் சுற்றித் திரியும் தெரு நாய்களை பிடிக்க உத்தரவிட்டுள்ளனர்.