சோனி லிவ் ஓடிடி தளத்தில் இன்று தேன் திரைப்படத்தை வெளியிட்டுள்ளது. அவர்கள் தமிழில் வெளியிடும் முதல் திரைப்படம் இது.
சோனி லிவ் ஓடிடி தளம் இன்றுமுதல் தனது தமிழ் வெளியீட்டை தொடங்கியுள்ளது.
கணேஷ் விநாயகன் இந்த படத்தை இயக்கி உள்ளார். பல்வேறு திரைப்பட விழாக்களில் ’தேன்’ திரையிடப்பட்டு 40-க்கும் மேற்பட்ட பரிந்துரைகளை பெற்றுள்ளது.
இந்தியன் பனோரமா 2020-ல் தேர்ந்தெடுக்கப்பட்ட இரண்டு தமிழ் படங்களில் இதுவும் ஒன்றாகும். 11-வது தாதா சாஹேப் பால்கே திரைப்பட விழா, டெல்லி என்.சி.ஆர், இந்தியா, கல்ட் கிரிட்டிக் திரைப்பட விருதுகள் 2020, புது தில்லி திரைப்பட விழா, அயோத்தி திரைப்பட விழா, அயோத்தி 2020 போன்ற பல்வேறு திரைப்பட விழாக்களில் திரையிடப்பட்டது.
தமிழைத் தவிர மலையாளம், தெலுங்கு மற்றும் கன்னட மொழிகளிலும் இந்தப் படம் வெளியாகிறது.
இந்தப் படத்தைத் தொடர்ந்து சோனி லிப் அரவிந்த்சாமி நடித்த நரகாசூரன், விஜய் சேதுபதி நடிப்பில் மணிகண்டன் இயக்கியுள்ள கடைசி விவசாயி ஆகிய படங்களை வெளியிட உள்ளது.