டெல்லி
வட மாநிலங்களில் நிலவும் கடுமையாக குளிர் காரணமாக ஜார்க்கண்ட் மாநிலத்தில் 13 ஆம் தேதி வரை பள்ளிகள் மூடப்படுகின்றன.
கடந்த சில தினங்களாக வடமாநிலங்களில் கடுமையான பனி பெய்து வருகிறது. தலைநகர் டெல்லியில், எதுவுமே பார்க்க முடியாத அளவுக்கு பனிப்பொழிவு நிலவுகிறது.
எனவே ரயில், விமான போக்குவரத்து பாதிக்கப்பட்டது. விமானங்கள் தரையிறங்க முடியாமல் தவித்ததுடன் சாலைகளில் வாகனங்கள் முன்பக்க விளக்கை எரியவிட்டு குறைந்த வேகத்தில் இயக்கப்பட்டன.
ஜம்மு காஷ்மீரில் வெப்பநிலை உறைநிலை அளவுக்கு சென்று விட்டது. மாநிலத் தலைநகர் ஸ்ரீநகர் உள்பட பெரும்பாலான பகுதிகளில் புதிதாக பனிப்பொழிவு காணப்பட்டது.
இதைப் போல் ஜார்கண்ட் மாநிலத்திலும் கடும் குளிர் நிலவி வருகிறது. கடும் குளிர் காரணமாக, நாளை முதல் 13-ந் தேதிவரை, மழலையர் பள்ளி முதல் 8 ஆம்-வகுப்பு வரை அனைத்து வகையான பள்ளிகளையும் மூட ஜார்கண்ட் மாநில அரசு உத்தரவிட்டுள்ளது.