மாஸ்கோ: ரஷியாவில் கடந்த 24 மணி நேரத்தில் புதிதாக 28,142 பேருக்கு கொரோனா தொற்று இருப்பது உறுதியாகி உள்ளது.
ரஷியாவில் சில வாரங்களாக கொரோனா பாதிப்பு உச்சத்தில் இருக்கிறது. தற்போது நாள் ஒன்றுக்கு கொரோனா நோயாளிகளின் எண்ணிக்கை 25 ஆயிரத்தை கடந்தும் பலி 500ஐ கடந்தும் பதிவாகி வருகிறது.
இந்நிலையில், அந்நாட்டு சுகாதாரத்துறை கடந்த 24 மணி நேரத்தில் ஏற்பட்ட கொரோனா தொற்று விவரங்களை வெளியிட்டுள்ளது. அதன்படி, நாட்டில் புதிதாக 28,142 பேருக்கு கொரோனா தொற்று உறுதி செய்யப்பட்டுள்ளது.
இதன் மூலம் ஒட்டுமொத்த பாதிப்பு 24,88,912 ஆக அதிகரித்துள்ளது. தலைநகர் மாஸ்கோவில் மட்டும் 7,279 பேர் புதிதாக தொற்றுக்கு ஆளாகி உள்ளனர். 24 மணி நேரத்தில் 456 பேர் உள்பட இதுவரை 43,597 பேர் கொரோனாவுக்கு பலியாகி உள்ளனர். இன்னமும் 4,88,727 பேர் சிகிச்சை பெற்று வருகின்றனர் என்று தெரிவிக்கப்பட்டு உள்ளது.