சென்னை: தொடர்ச்சியாக பிறருடன் ஒப்பிடுவதிலிருந்து ஓய்வளித்து, ரிஷப் பன்ட் மேலும் மேலும் வலிமையைப் பெறுவதற்கு வாய்ப்பளிக்க வேண்டுமென்றுள்ளார் சக வீரரான ரவிச்சந்திரன் அஸ்வின்.
அஸ்வின் கூறியுள்ளதாவது, “ரிஷப் பன்ட்டின் அபாரமான பேட்டிங் திறனாகட்டும் அல்லது கீப்பிங் திறனாகட்டும், அவரை அனைத்துவித ஒப்பீடுகளிலிருந்தும் விடுவித்து, அவர் இன்னும் வளர்வதற்கு வாய்ப்பளிக்க வேண்டும்.
அவர், தொடர்ச்சியாக தோனியுடன் ஒப்பிடப்பட்டு வருகிறார். விக்கெட் கீப்பிங்கில் சஹாவுடன் ஒப்பிடப்படுகிறார். எனவே, அதற்கு நாம் ஓய்வளித்து, பன்ட்டின் நம்பிக்கை வளர உதவ வேண்டும்.
ஒரு நல்ல வீரரை, பிறருடன் ஒப்பிட்டுக்கொண்டே இருப்பது சம்பந்தப்பட்டவருக்கு கடினமாக இருக்கும். அவர் வெள்ளைப் பந்தில் ஆடுகையில் நான் தொடர்ந்து கவனித்திருக்கிறேன். அவர் தனக்கான இடத்தை இப்போது அடைந்திருக்கிறார்” என்றுள்ளார் அஸ்வின்.