சென்னை கோடம்பாக்கத்தில் ‘இளையராஜா ஸ்டுடியோ’ என்ற பெயரில் புதிய ஸ்டுடியோ ஒன்றை உருவாக்கியுள்ளார் இளையராஜா.
சில தினங்களுக்கு முன்பு வெற்றிமாறன் இயக்கத்தில் உருவாகும் படத்தின் இசைப்பணிகள் மூலமாக புதிய ஸ்டுடியோவில் தனது பணிகளைத் தொடங்கினார்.
இந்நிலையில் நேற்று (பிப்ரவரி 15) ரஜினிகாந்த் இளையராஜாவின் ஸ்டுடியோவுக்குச் சென்று சுற்றிப் பார்த்துள்ளார். பின்பு கோயிலுக்குள் வந்தது போன்ற உணர்வு தனக்கு ஏற்பட்டதாக இளையராஜாவுக்குப் பாராட்டு தெரிவித்துள்ளார் ரஜினி. ஸ்டுடியோவிலும் இளையராஜாவுடன் நீண்ட நேரம் உரையாடிவிட்டுச் சென்றுள்ளார்.
இன்று (பிப்ரவரி 16) மீண்டும் இளையராஜா ஸ்டுடியோவுக்கு வருகை தந்து ஆச்சரியம் அளித்துள்ளார் ரஜினி. அங்கு நடக்கும் இசைப் பணிகளை அமர்ந்து பார்த்துள்ளார். அதன் வீடியோக்கள், புகைப்படங்கள் இணையத்தில் வெளியாகியுள்ளன.
Patrikai.com official YouTube Channel
