கன்னோஜ்
காங்கிரஸ் தலைவர் ராகுல் காந்தி பாஜக உத்தரப்பிரதேச மாநிலத்தில் படுதோல்வி அடையும் என தெரிவித்துள்ளார்.
சமாஜ்வாடி கட்சியின் தலைவர் அகிலேஷ் யாதவ் உத்தரபிரதேசத்தின் கன்னோஜ் தொகுதியில் போட்டியிடுகிறார். காங்கிரஸ் தலைவர் ராகுல் காந்தி அவரை ஆதரித்து கன்னோஜ் தொகுதியில் பிரசாரம் செய்தார்.
ராகுல் காந்தி அப்போது,
“இந்தியா கூட்டணிப் புயல் உத்தரப் பிரதேசத்துக்கும் வந்துவிட்டது. மாநிலத்தில் மிக மோசமான தோல்வியை பாஜக சந்திக்கப் போகிறது. உத்தரபிரதேசம்தான் நாடு முழுவதும் பாஜக அடையப்போகும் தோல்விக்கு வழிகாட்டப் போகிறது.
தன்னை தோல்வியில் இருந்து காப்பாற்றுமாறு அம்பானி, அதானியிடம் பிரதமர் மோடி மன்றாடுகிறார். மோடியும் அமித்ஷாவும் அடுத்த 15 நாட்களுக்கு உங்கள் கவனத்தை திசைதிருப்ப முயற்சிப்பார்கள் என்பதால் எச்சரிக்கையுடன் இருங்கள்.”
என்று உரையாற்றினார்.