வாரணாசி: வாரணாசி தொகுதியில் மீண்டும் போட்டியிடும் பிரதமர் மோடி, இன்று வேட்புமனுதாக்கல் செய்ய உள்ள நிலையில், காலையில் கங்கையில் சிறப்பு வழிபாடு நடத்தினார்.
பிரதமா் நரேந்திர மோடி உத்தர பிரதேசத்தின் வாரணாசி மக்களவைத் தொகுதி வேட்பாளராக அறிவிக்கப்பட்டு உள்ளார். அத்தொகுதியில் அவா் தொடா்ந்து 3-ஆவது முறையாகப் போட்டியிட உள்ளாா் அவர் இன்று(மே 14) வேட்புமனு தாக்கல் செய்கிறாா்.
முன்னதாக, வாரணாசிக்கு நேற்று (திங்கள்கிழமை) மாலை வந்த மோடி, நேற்று மாலையில் 6 கி.மீ. தொலைவுக்கு நகரின் முக்கியப் பகுதிகள் வழியாக பிரமாண்டமான வாகனப் பேரணி நடத்தினாா். இன்று காலை, வாரணாசி அருகே அஸ்வமேத காட் பகுதியில் கங்கை ஆற்றங்கரையில் பிரதமர் மோடி இன்று காலை வழிபாடு செய்தார்.
வாரணாசி தொகுதியில் இன்று வேட்புமனு தாக்கல் செய்யவுள்ள பிரதமர் நரேந்திர மோடி, கங்கை ஆற்றங்கரையில் வழிபாடு செய்தார். வாரணாசியில் 7-ஆவது மற்றும் இறுதிக்கட்டத் தோ்தலின்போது (ஜூன் 1) வாக்குப் பதிவு நடைபெறவுள்ளது.