மருத்துவ மேற்படிப்பு (PG) இருக்கைகளை ஒதுக்கும் Medical Counselling Committee (MCC) வெளியிட்ட தகவலின்படி, 2025–26 கல்வியாண்டின் மூன்றாம் கட்ட கலந்தாய்வில் இருக்கை பெற 811 பேர் தங்களின் தேசியத்தை இந்தியர் என்பதில் இருந்து NRI (வெளிநாட்டு வாழ் இந்தியர்) என மாற்றிக் கொண்டுள்ளனர்.
NRI ஒதுக்கீட்டில் இருக்கைகளுக்கான கட்டணம் மிகவும் அதிகமாக இருக்கும். ஆனால் போட்டி குறைவாக இருப்பதால், cut-off மதிப்பெண்களும் குறைவாக இருக்கும். அதனால் NEET PG தேர்வில் குறைந்த மதிப்பெண் பெற்றவர்களுக்கும், அதிக கட்டணம் செலுத்தும் திறன் இருந்தால், விருப்பமான மருத்துவ பிரிவுகளில் இருக்கை கிடைக்கும் வாய்ப்பு உள்ளது.
இந்த 811 பேரில் இரண்டு வகை உள்ளனர்:
உண்மையாக NRI ஆக இருப்பவர்கள் அல்லது NRI பெற்றோரின் குழந்தைகள் – 113 பேர்
NRI உறவினர்களின் (மாமா, அத்தை, தாத்தா போன்றோர்) ஆதரவுடன் “ward” என காட்டப்பட்டவர்கள் – 698 பேர்
முதல் பிரிவில் உள்ளவர்களுக்கு குறைந்தபட்ச மதிப்பெண் 800-ல் 82 (சுமார் 10%). இரண்டாவது பிரிவில் உள்ளவர்களுக்கு அது 800-ல் 28 (சுமார் 3.5%) வரை குறைந்துள்ளது.
முதல் குழுவில் 75 பேர் (66%) 215-க்கும் குறைவாக மதிப்பெண் பெற்று, 1.5 லட்சத்திற்கும் கீழ் ரேங்க் பெற்றவர்கள்.
இரண்டாம் குழுவில் 698 பேரில் 422 பேர் (60%க்கும் மேல்) 1.5 லட்சத்திற்கும் கீழ் ரேங்க் பெற்றவர்கள்.
ஆனால் அதிக கட்டணம் செலுத்தும் திறன் இருப்பதால், இவர்கள் NRI ஒதுக்கீட்டில் எந்த மருத்துவ பிரிவிலும் சேர முடியும்.
NRI ஒதுக்கீட்டில் மருத்துவ PG இருக்கைகளுக்கான ஆண்டு கட்டணம் சுமார் ரூ.45 லட்சம் முதல் ரூ.95 லட்சம் வரை இருக்கும். இது பிரிவு, மாநிலம், மற்றும் அந்த கல்லூரி deemed university ஆக உள்ளதா என்பதைக் கொண்டு மாறுபடும்.
இந்தியர்களை NRI ஆக மாற்ற அனுமதி இல்லை என்றால், பல NRI இருக்கைகள் காலியாக இருக்கும். அப்போது அவை management quota ஆக மாற்றப்படும்; அப்போது கட்டணம் குறைவாக இருக்கும்.
ஆனால் தனியார் மருத்துவ கல்லூரிகளுக்கு நஷ்டம் வரக்கூடாது என்ற காரணத்தால், நீதிமன்றங்களும் அரசும் NRI என்ற வரையறையை விரிவுபடுத்தி, NRI பெற்றோர் இல்லாவிட்டாலும், NRI உறவினர்களின் ஆதரவுடன் விண்ணப்பிக்க அனுமதி வழங்கப்பட்டுள்ளதாக தகவல் வெளியாகியுள்ளது.
[youtube-feed feed=1]