மதுரை: விமான நிலையத்தில் சர்வதேச மகளிர் தினத்தையட்டி வாழ்த்து தெரிவித்த ஓபிஎஸ், செய்தியாளர்களிடன் கேள்வியை கேட்டதும், ‘ஐயோ சாமி’ என எஸ்கேப்பானார். இது தொடர்பான வீடியோ வைரலாகி வருகிறது.
அதிமுகவில் சசிகலா பிரச்சனை விஸ்வரூபம் எடுத்துள்ள நிலையில், இன்று காலை சென்னை செல்வதற்காக மதுரை விமான நிலையம் வந்தார் அதிமுக ஒருங்கிணைப்பாளரும், எதிர்க்கட்சி துணைத் தலைவருமான ஓ.பன்னீர்செல்வம். விமான நிலையத்தில் செய்தியாளர்களை சந்தித்தார்.
அப்போது, ‘முல்லைப்பெரியாறு அணை விவகாரத்தில் எந்த ஒரு திட்டம் தொடங்கப்பட வேண்டும் என்றாலும் தமிழ்நாட்டினுடைய அனுமதி பெற்று தான் செயல்படுத்த முடியும்.புதிய அணை கட்ட அவர்கள் இஷ்டம் போல் செயல்பட முடியாது என்று கேரள அரசின் நடவடிக்கை குறித்து விமர்சித்தார்.
பின்னர், உலக மகளிர் தினம்த்தையொட்டி, மகளிர் தினம் அ.தி.மு.க தலைமை கழக மகளிரணிச் செயலாளர் சார்பில் ஏற்பாடு செய்யப்பட்டுள்ளது என்று கூறிய துடன், மகளிர் தின வாழ்த்து தெரிவித்தார். அப்போது, இந்தியாவில் தமிழகத்தில் பெண்களை தாயாக மதிக்கின்ற தமிழ்த் திருநாடு சர்வதேச தினத்தன்று உலகத்தின் அத்தனை மகளிர்க்கும்., தாய்மார்களுக்கும்., சகோதரிகளுக்கும்., என் இதயபூர்வமான நல்வாழ்த்துக்களை தெரிவித்துக்கொள்கிறேன் என்றார்.
இதைகேட்டதும், அருகே இருந்த செய்தியளார் ஒருவர், சசிகலாவை இணைத்துக் கொள்ள நெருக்கடி… அ.தி.மு.கவில் இணைத்துக் கொள்வீர்களா என்று கூறியதும், ஐயோ சாமி… வாங்க சாமி… ஆளை விடுங்க என்று கூறிக்கொண்டு விறுவிறுவென அந்த இடத்தை விட்டு அகன்றார். இது தொடர்பான வீடியோ வைரலாகி வருகிறது.
வீடியோ: நன்றி – பாலிமர் டிவி