கோயமுத்தூர்: கோவை குனியமுத்தூர் பகுதியில் பா.ஜ.க நிர்வாகி வீட்டில் நேற்று இரவு மர்ம நபர்கள் துப்பாக்கிச்சூடு நடத்தி உள்ளனர். இந்த சம்பவம் அந்த பகுதியில் பரபரப்பை ஏற்படுத்தி உள்ளது. இது தொடர்பாக போலீசார் விசாரணை நடத்தி வருகின்றனர்.
தமிழக சட்டமன்ற தேர்தலில் கோவை தெற்கு தொகுதியில் போட்டியிட்ட பாஜக வேட்பாளர் வானதி சீனிவாசன் வெற்றி பெற்றார். இதைத் தொடர்ந்து அங்கு பாஜக மற்றும் மற்ற கட்சியினருக்கும் இடையே சலசலப்பு தொடர்ந்து வருகிறது. இந்த தொகுதிக்கு உட்பட்ட குனியமுத்தூர் அருகே உள்ள பகுதியில் சுண்டக்காமுத்தூர் விசாலாட்சி நகர் பகுதியில் வசித்து வரும் பாரதிய ஜனதா கட்சியின் குனியமுத்தூர் மண்டல் பொதுச் செயலாளராக ஜெகதீஷ் என்பவர் வீட்டில் நேற்றிரவு 10 மணி அளவில் மர்ம நபர்கள் துப்பாக்கி சூடு நடத்தி உள்ளனர்.
அப்போது ஜெகதீஸ் குடும்பத்துடன் வெளியே சென்றிருந்ததால், இந்த துப்பாக்கி சூட்டியில் யாருக்கும் பாதிப்பு இல்லை. இவர் அவர் வீடு திரும்பியபோதுதான், வீட்டின் பக்கவாட்டில் உள்ள ஜன்னல் கண்ணாடி உடைந்த நிலையில் காணப்பட்டது. இதுகுறித்து உடனே காவல்துறைக்கு புகார் அளித்தார்.
புகாரின் பேரில் சம்பவ இடத்துக்கு வந்து விசாரணை நடத்திய போலீசார், ஜெகதீஷ் வீட்டு கண்ணாடியில் துப்பாக்கியால் சுடப்பட்ட அடையாளமும், வீட்டிற்குள் விலங்குகளை சுட பயன்படுத்தும் ஏர் கன்னிலிருந்து சுடப்பட்ட துப்பாக்கி குண்டுகள் சிதறிக் கிடந்ததும் தெரிய வந்தது. 10 துப்பாக்கி குண்டுகளை ஜெகதீஷ் வீட்டில் இருந்து கைப்பற்றிய போலீசார் மேற்கொண்டு விசாரணை நடத்தி வருகின்றனர்.
இதுகுறித்து தகவல் அறிந்த பாஜக தொண்டர்கள் அங்கு கூடியதால் பரபரப்பு ஏற்பட்டது. ர்ந்து