சவூதி: சவூதி அரேபியாவில் மெக்கா உள்பட முக்கிய நகரங்களில் பகுதிகளின் இடியுடன் கூடிய பலத்த மழை மற்றும் ஆலங்கட்டி பெய்தது. இதனால், அங்குள்ள பெரும்பாலான சாலைகள் வெள்ளத்தால் சூழப்பட்டன. இதனால் மக்கள் பெரும் அவதியடைந்தனர்.
இஸ்லாமியர்களின் புனித தலங்களான மெக்கா, மதீனா போன்ற பகுதிகளில் இதுவரை இல்லாத அளவுக்கு பெய்த கனமழை காரணமாக, நகரின் பல பகுதிகள் வெள்ளத்தில் மிதக்கின்றன. சவுதி அரேபியாவின் மெக்கா மற்றும் மதீனாவில் நேற்று ஒரே நாளில் பெய்த 49.2 மி.மீ அளவுக்கு பெய்த ஆலங்கட்டி மழையால் பல பகுதிகளில் வெள்ளப்பெருக்கு ஏற்பட்டுள்ளது.
பல பகுதிகள் மழை வெள்ளத்தால் சூழப்பட்டு உள்ளதுடன், விமான நிலையம், ஹாஸ்பிட்டல்களும் கடுமையாக பாதிக்கப்பட்டுள்ளன. இந்த மழை வெள்ளத்தில், பைக்கில் சென்ற டெலிவரி மேன் ஒருவர் பைக்குடன் வெள்ளத்தில் சிக்கியதும், அவர் மீட்கப்படும் வீடியோ காட்சி வெளியாகியுள்ளது. அதுபோல மழை வெள்ளத்தில் கார்களும், வாகனங்களும் அடித்துச் செல்லப்படும் காட்சிகளும் வெளியாகி உள்ளது.
கடந்த இரு நாட்களில் பெய்த மழைக்கே பல பகுதிகளில் வெள்ளத்தில் மிதக்கும் நிலையில், அடுத்த 3 நாட்களுக்கு அங்கு கனமழை தொடரும் என அந்நாட்டு வானிலை ஆய்வு மையம் எச்சரிக்கை விடுக்கப்பட்டுள்ளது. இதனால், பாதுகாப்பு முன்னெச்சரிக்கையாக இருக்குமாறு பொதுமக்களுக்கு அந்நாட்டு அரசு அறிவுறுத்தியது.
கனமழை காரணமாக பல பகுதிகளில் வெள்ளம் போன்ற சூழல் உருவாகி முக்கிய சாலைகள் தடைபட்டுள்ளது. கார்கள் முழுவதுமாக வெள்ள நீரில் மூழ்கியது மற்றும் பலர் அடித்துச் செல்லப்பட்டதைக் காட்டும் அதிர்ச்சியூட்டும் புகைப்படங்கள் மற்றும் வீடியோக்கள் சமூக வலைத்தளங்களில் வைரலாகி வருகிறது.