சென்னை: கோடை வெயிலால் தவிக்கும் பறவைகளுக்கு நீரும் உணவும் கொடையளிப்போம் என முதலமைச்சர் மு.க.ஸ்டாலின் பதிவிட்டுள்ளார்.

தமிழ்நாட்டில் கோடை காலம் தொடங்கியது முதலே இதுவரை இல்லாத அளவுக்கு வெயிலின் தாக்கம் காணப்படுகிறது. இன்னும் சித்திரை மாதம் தொடங்காத நிலையிலேயே அனல்காற்றுடன் கடும் வெயியில் கொளுத்தி வருகிறது. பல்வேறு  மாவட்டங்களில் வெப்பநிலை 100 டிகிரி ஃபாரன்ஹீட்டி தாண்டி பதிவாகிறது.  இதனால் பொதுமக்கள் மதிய வேளையில் வெளியே செல்வதை தவிர்த்து வருகின்றனர்.

மற்றொரு புறம் கோடை வெயிலை சமாளிக்க தர்பூசணி பழம், கரும்பு சாறு உள்பட நீராகாரங்கள் விற்பனையும் கொடிகட்டி பறக்கிறது.  மருத்துவர்களும் வெயிலில் வெளியே செல்வதை தவிர்க்குமாறு பொதுமக்களுக்கு அறிவுறுத்தி வருகின்றனர்.

இந்த நிலையில், முதலமைச்சர் மு.க.ஸ்டாலின், தனது எக்ஸ் தள பக்கத்தில்,  கோடை வெயிலால் தவிக்கும் பறவைகளுக்கு நீரும் உணவும் கொடையளிப்போம் என பதிவிட்டு, அத்துடன் தான் பறவைகளுக்கு உணவு அளிக்கும் புகைப்படங்களையும் பதிவிட்டு ள்ளார்.

வெயிலின் தாக்கத்தால் குளம், குட்டை உள்பட பல்வேறு இடங்களில் பறவைகள், வனவிலங்குகளுக்கு தேவையான நீர் கிடைக்காத நிலை உள்ளது. இந்த நிலையில்,   கடும் வெயிலினால் பாதிப்புக்கு உள்ளாகும்,  பறவைகளின் இன்னல்களை நீக்கும் வகையில், பொதுமக்கள் நீர் , உணவுகள் வழங்க வலியுறுத்தி அதுதொடர்பான புகைப்படங்களை பகிர்ந்துள்ளார்.