தூத்துக்குடி
திமுக 200 தொகுதிகலில் வெல்லும் என இறுமாப்புடன் சொல்வதாக கனிமொழி தெரிவித்துள்ளார்.
நேற்றுசென்னையில் நடைபெற்ற ‘எல்லோருக்குமான தலைவர் அம்பேத்கர்’ நூல் வெளியீட்டு விழாவில் தமிழக வெற்றிக் கழகம் கட்சியின் தலைவர் விஜய் கலந்து கொண்டு உரையாற்றினார்
தனது உரையில் தி.மு.க.வை விமர்சிக்கும் வகையில்,
“200 தொகுதிகளை வெல்வோம் என்று கூறும் ஆட்சியாளர்களை 2026 தேர்தலில் மக்களே மைனஸ் ஆக்கிவிடுவார்கள்”
என்று விஜய் கூறினார்.
விஜய்யின் இந்த பேச்சுக்கு தி.மு.க. தலைவர்கள் பதிலடி கொடுத்து வருகின்றனர். அவ்வரிசையில் திருச்செந்தூரில் நடைபெற்ற நிகழ்ச்சியில் கலந்து கொண்டு பேசிய தி.மு.க. எம்.பி. கனிமொழி இதற்கான பதிலை தெரிவித்துள்ளார்.
கனிமொழி எம் பி ,
“ஆதி திராவிட மக்களுக்கு சுயமரியாதை முதல் அனைத்தையும் பெற்றுத் தந்த இயக்கம் திமுகதான். ஜாதி, மத வித்தியாசங்கள் இன்றி மனிதர்களாய் அனைத்து மக்களும் வாழும் வகையில் சமத்துவபுரத்தை உருவாக்கியது திமுகதான்.
காலங்கள் மாறினாலும் திமுக மீதான விமர்சனங்கள் மாறவில்லை. திமுகவின் திட்டங்களை மக்களிடம் கொண்டு சென்று சேர்த்தாலே திமுகவை வெற்றிபெற யாரும் இல்லை.
“தேர்தல் வெற்றி நமது கைகளில் இருக்கிறது என்ற உறுதியோடு பணியாற்றினால், முதல்-அமைச்சர் மு.க.ஸ்டாலின் சொல்வதுபோல், 200 தொகுதிகளில் நிச்சயமாக வெற்றி பெறுவோம் என நானும் இறுமாப்புடன் சொல்கிறேன்”
என்று தெரிவித்துள்ளார்.
