‘நானும் ரெளடிதான்’ வெற்றியை தொடர்ந்து மீண்டும் விஜய் சேதுபதியை வைத்து ‘காத்துவாக்குல ரெண்டு காதல்’ படத்தை இயக்குகிறார் விக்னேஷ் சிவன்.
செவன் ஸ்கிரீன் ஸ்டூடியோஸ் நிறுவனத்தின் லலித் குமார் மற்றும் விக்னேஷ் சிவன் இணைந்து இந்தப் படத்தைத் தயாரிக்கின்றனர். அனிருத் இசையமைக்கிறார். விஜய் கார்த்திக் கண்ணன் ஒளிப்பதிவு செய்கிறார். ஸ்வேதா சாபு சிரில் கலை இயக்கம் செய்கிறார்.
விஜய் சேதுபதி ஜோடியாக நயன்தாரா மற்றும் சமந்தா இருவரும் நடிப்பதாக காதலர் தினத்தன்று அதிகாரபூர்வமான அறிவிப்பு வெளியானது.
‘காத்துவாக்குல ரெண்டு காதல்’ படத்தின் ஃபர்ஸ்ட் லுக் போஸ்டர், சமந்தாவின் புதிய போஸ்டர் என அடுத்தடுத்த போஸ்டர்களை இன்று (15.11.2021) வெளியிட்டு ரசிகர்களின் எதிர்பார்ப்பை படக்குழு அதிகரித்து வருகிறது.
இந்நிலையில் படத்தின் மற்றொரு கதாநாயகியான நயன்தாராவின் போஸ்டரை படக்குழு தற்போது வெளியிட்டுள்ளது. அதில், கலக்கல் லுக்கில் நயன்தாரா தோன்றியதோடு கண்மணி என்ற படத்தின் கதாபாத்திரத்தின் பெயரும் போஸ்டரில் இடம் பெற்றுள்ளது.