டோக்கியோ
ஜப்பானில் அறிமுகம் செய்யப்பட்ட அதிவேக இண்டர்னெட் மூலம் ஒரு நொடியில் 1000 படங்கள் பதிவிறக்கம் செய்து சாதனை படைக்கப்பட்டுள்ளாது,
தற்போது ஜப்பான் அறிமுகம் செய்து வைத்து சாதனை படைத்துள்ள உலகின் அதிவேக இன்டர்நெட் மூலம் ஒரே நொடியில் ஒட்டுமொத்த நெட்பிலிக்ஸ் படங்களையும் டவுன்லோடு செய்து விட முடியும். மேலும் இன்டர்நெட் தொழில்நுட்பத்தை நிர்ணயிக்கப்பட்ட எல்லைகளை தகர்த்தெறிந்து தகவல் பரிமாற்ற வேகத்தில் புதிய உலக சாதனையை ஜப்பான் படைத்துள்ளது.
ஒரு நொடியில் 1.02 பெட்டாபைட்ஸ் இன்டர்நெட் வேகத்தை எட்டியிருப்பதாக அந்நாட்டின் தேசிய தகவல் தொடர்பு தொழில்நுட்ப மையம் (என்ஐசிடி) அறிவித்துள்ளது. இதனால் நெட்பிலிக்சிடம் உள்ள அத்தனை படங்களையும் ஒரே நொடியில் பதிவிறக்கம் செய்ய முடியும். விக்கிபீடியாவில் ஆங்கிலத்தில் உள்ள தகவல்கள் அனைத்தையும் ஒரே நொடியில் பதிவிறக்கலாம்.
ஜப்பானின் இன்டர்நெட் வேகம் அமெரிக்காவின் இன்டர்நெட் வேகத்தை விட 35 லட்சம் மடங்கு அதிகம் ஆகும்.இதற்ஜாக சுமிடோமோ எலக்ட்ரிக் நிறுவனம் மற்றும் ஐரோப்பிய ஆய்வாளர்களுடன் இணைந்து பிரத்யேக பைபர் கேபிள்கள் உருவாக்கப்பட்டுள்ளன. இந்த கேபிள் வழியாக ஒரே நொடியில் தரவுகளை 1,808 கிமீ தூரத்திற்கு அனுப்பி வைக்க முடியும்.
