ஐஎஸ்எல் கால்பந்து: இறுதிப் போட்டியில் மோதும் மும்பை – கொல்கத்தா!

பனாஜி: கோவா மாநிலத்தில் நடைபெற்றுவரும் ஐஎஸ்எல் கால்பந்து 7வது சீசன் இறுதிப்போட்டிக்கு கொல்கத்தா அணி தகுதிபெற்றுள்ளது.

ஐஎஸ்எல் 7வது சீசன் கால்பந்து தொடர், தற்போது இறுதி கட்டத்தை எட்டியுள்ளது.

அரையிறுதிப் போட்டியில், தான் எதிர்கொண்ட வடகிழக்கு யுனைடெட் அணியை, 3-2 என்ற கோல்கணக்கில் வீழ்த்தியதன் மூலம், இறுதிக்குள் நுழைந்தது கொல்கத்தா அணி. இது அரையிறுதிப் போட்டிக்கான 2வது சுற்றாகும்.

மும்பை அணி, ஏற்கனவே இறுதிக்கு முன்னேறியுள்ளது. கொல்கத்தா அணி இறுதிப் போட்டிக்கு முன்னேறுவது இது 4வது முறையாகும். இதற்கு முன்னர், கடந்த 2014, 2016 மற்றும் 2019-20ம் ஆண்டுகளில் இறுதிக்கு முன்னேறிய அந்த அணி, கோப்பை வென்றது.

இம்மாதம் 13ம் தேதி, படோர்டாவில், மும்பை – கொல்கத்தா அணிகள் மோதும் இறுதிப்போட்டி நடைபெறவுள்ளது.