டெல்லி
இன்று முதல் இந்தியாவில் ஐபோன் 16 விற்பனை தொடங்கி உள்ளது.
இந்த மாத தொடக்கத்தில் நீண்ட காத்திருப்புக்குப் பிறகு, ஆப்பிள் ஐபோன் பிரியர்களால் மிகவும் எதிர்பார்க்கப்பட்ட இட்ஸ் க்ளோடைம் நிகழ்வு நடைபெற்றது. அப்போது ஆப்பிள் நிறுவனம் தனது அதிகாரப்பூர்வமாக ஐபோன் 16 சீரிஸ், ஆப்பிள் வாட்ச் சீரிஸ் 10, ஏர்பட்ஸ் 4 ஆகியவற்றை வெளியிட்டது.
இன்று ஆப்பிள் தனது ஐபோன் 16 சீரிஸ் விற்பனையை இந்தியாவில் தொடங்கியதால் இதனை வாங்க டெல்லி மற்றும் மும்மையில் உள்ள ஆப்பிள் கடைகளுக்கு வெளியே ஏராளமானோர் குவிந்தனர். இந்த ஐபோன் 16 சீரிஸ் மாடல் நேரடி விற்பனைக்கு வருவதற்கு முன்பே, 37 மில்லியனுக்கும் அதிகமாக முன்பதிவு மூலம் முன்விற்பனை செய்யப்பட்டது.
ஆப்பிள் நிறுவனம் இந்தியா மட்டுமின்றி அமெரிக்கா, சீனா, ஆஸ்திரேலியா மற்றும் தென் கொரியா உட்பட கிட்டத்தட்ட 60 நாடுகளில் இன்று விற்பனையை தொடங்கியது. ஐபோன் 16, ஐபோன் 16 ப்ளஸ், ஐபோன் 16 ப்ரோ, ஐபோன் 16 ப்ரோ மேக்ஸ் என நான்கு மாடல்கள் உள்ளன.
இந்தியாவில் இறக்குமதி வரிக்குறைப்பை தொடர்ந்து, முந்தைய மாடலைவிட இந்தமுறை குறைந்த விலையில் ஐபோன் ப்ரோ மாடல் விற்பனை செய்யப்படுகிறது. சென்ற வருடம் ஐபோன் 15 ப்ரோ ரூ.1,34,900க்கும், ஐபோன் 15 ப்ரோ மேக்ஸ் ரூ.1,59,900க்கும் விற்பனை செய்யப்பட்ட நிலையில் தற்போது கீழ்க்கண்ட விலையில் விற்பனை செய்யப்படுகிறது
ஐபோன் 16 ப்ரோ மேக்ஸ் – ரூ. 1,44,990
ஐபோன் 16 ப்ரோ – ரூ. 1,19,900
ஐபோன் 16 பிளஸ் – ரூ. 89,900
ஐபோன் 16 – ரூ.79,900