மும்பை’
மகாராஷ்டிர அரசு ஹோமியோபதி மருத்துவர்களுக்கு அலோபதி சிகிச்சை அளிக்க அனுமதி அளித்ததர்கு இந்திய மருத்துவ சங்கம் கடும் எதிர்ப்பு தெரிவித்துள்ளது.
மகாராஷ்டிர மருத்துவ கவுன்சில் சட்டத்தில் கடந்த 2014-ம் ஆண்டில் மேற்கொள்ளப்பட்ட திருத்தங்களின்படி மருந்தியல் சான்றிதழ் படிப்பை நிறைவு செய்த ஆயுர்வேத, சித்த, ஹோமியோபதி மருத்துவர்கள், அலோபதி சிகிச்சை அளிக்கலாம், அலோபதி மருந்துகளை பரிந்துரைக்கலாம் என்று அறிவிக்கப்பட்டது.
இந்திய மருத்துவர்கள் சங்கம் (ஐஎம்ஏ) சார்பில் இதை எதிர்த்து உச்ச நீதிமன்றத்தில் வழக்கு தொடரப்பட்டுகடந்த 2015-ம் ஆண்டில் இந்த வழக்கை உச்ச நீதிமன்றம் தள்ளுபடி செய்தது. மகாராஷ்டிர சுகாதார அறிவியல் பல்கலைக்கழகம் சார்பில் கடந்த 2016-ம் ஆண்டில் சிசிஎம்பி என்ற மருந்தியல் படிப்பு தொடங்கப்பட்டது.
மகாராஷ்டிர மருத்துவ கவுன்சில் கடந்த ஜூன் 30-ம் தேதி ஓர் வெளியிட்ட அரச்சாணையில்,
“நவீன மருந்தியல் சான்றிதழ் படிப்பில் தேர்ச்சி பெற்ற ஹோமியோபதி மருத்துவர்கள் மகாராஷ்டிர மருத்துவ கவுன்சிலில் முறைப்படி பதிவு செய்யலாம். அதன்பிறகு அவர்கள் அலோபதி சிகிச்சை அளிக்கலாம். அலோபதி மருந்துகளை பரிந்துரை செய்யலாம்’’
என்று அறிவிக்கப்பட்டு உள்ளது.
ஹோமியோபதி மருத்துவர்கள் இதுகுறித்து ,
“பல்வேறு எம்பிபிஎஸ் மருத்துவர்கள், தங்கள் நோயாளிகளுக்கு சித்த, ஆயுர்வேத, ஹோமியோபதி மருந்துகளை பரிந்துரை செய்கின்றனர். நாங்கள் முறையாக மருந்தியல் சான்றிதழ் படிப்பை நிறைவு செய்துள்ளோம். எங்கள் நோயாளிகளுக்கு தேவையான அலோபதி மருந்துகளை பரிந்துரை செய்ய எங்களுக்கு உரிமை இருக்கிறது. மகாராஷ்டிர அரசின் முடிவை முழுமனதோடு வரவேற்கிறோம்’’
என்று தெரிவித்தனர்.
மகாராஷ்டிர அரசின் அறிவிப்பு குறித்து இந்திய மருத்துவர்கள் சங்கம் மகாராஷ்டிர ஐஎம்ஏ தலைவர் சந்தோஷ்,
“மகாராஷ்டிராவின் மூத்த அரசியல் தலைவர்கள், பல்வேறு ஹோமியோபதி மருத்துவக் கல்லூரிகளை நடத்துகின்றனர். அவர்களின் அழுத்தத்தால் மகாராஷ்டிர அரசு புதிய அரசாணையை வெளியிட்டு இருக்கிறது. இந்த அரசாணையை எதிர்த்து சட்டரீதியாக போராடுவோம்’’
என்று தெரிவித்துள்ளார்.
