சென்னை
தமிழகத்தில் இன்று ஒரே நாளில் 25.83 லட்சம் பேருக்குத் தடுப்பூசி போடப்பட்டு தடுப்பூசி மைய நேரம் நீட்டிக்கப்பட்டுள்ளது.
கொரோனா தடுப்பூசிகள் போடும் பணி நாடெங்கும் தீவிரமாக நடந்து வருகிறது. நாடெங்கும் இந்த வருட இறுதிக்குள் தகுதி உடைய அனைவருக்கும் தடுப்பூசிகள் போட்டு முடிக்க நடவடிக்கைகள் எடுக்கப்பட்டு வருகின்றன. அவ்வகையில் இன்று தமிழகம் எங்கும் மெகா தடுப்பூசி முகாம்கள் அமைக்கப்பட்டுள்ளது.
தமிழகத்தில் இன்று காலை 7 மணி முதல் தொடங்கி இரவு 7 மணிவரை ஒரே நாளில் 25.83 லட்சம் பேருக்கு கொரோனா தடுப்பூசிகள் போடப்பட்டுள்ளன. இது தமிழக தடுப்பூசி வரலாற்றில் புதிய சாதனை ஆகும்.
மேலும் கொரோனா தடுப்பூசிகள் கையிருப்பில் உள்ள மையங்களில் மட்டும் தடுப்பூசி போடும் நேரம் இரவு 8.30 மணி வரை நீட்டிக்கப்பட்டுள்ளது. இதைத் தமிழக பொதுச் சுகாதாரத் துறை அறிவித்துள்ளது.