சென்னை
கடந்த 21 நாட்களில் 18 ஆம் முறையாக இன்று பெட்ரோல் மற்றும் டீசல் விலை அதிகரித்துள்ளது..
தினசரி சர்வதேசச் சந்தையில் கச்சா எண்ணெய் விலை மற்றும் டாலருக்கு நிகரான இந்திய ரூபாய் மதிப்பின் அடிப்படையில் பெட்ரோல், டீசல் விலையைத் தினமும் எண்ணெய் நிறுவனங்களின் கூட்டமைப்பு மாற்றி அமைத்து வருகிறது. இதனால் தினசரி விலை உயர்கிறது.
தொடர்ந்து கடந்த ஜனவரி மாதத்தில் இருந்து பெட்ரோல், டீசல் விலையை அதிகரித்து வருகின்றனர். நாட்டின் பெரும்பாலான நகரங்களில் பெட்ரோல் ரூ106க்கு அதிகமாகவும், டீசல் ரூ100க்கு அதிகமாகவும் விற்பனையாகிறது.
இந்த மாதத்தில் இன்று 18வது முறையாக பெட்ரோல், டீசல் விலை உயர்த்தப்பட்டுள்ளது. பெட்ரோல் இன்று லிட்டருக்கு 30 காசும், டீசல் 33 காசும் அதிகரிக்கப்பட்டது. இன்று சென்னையில் பெட்ரோல் ரூ103.61க்கும், டீசல் ரூ.99.59க்கும் விற்பனையாகிறது.