டெல்லி: தமிழகம் மற்றும் இலங்கை மீனவர்கள் பிரச்சினை குறித்து நாடாளுமன்றத்தில் பேசிய திமுக எம்.பி. இந்த பிரச்சினையில் இரு நாட்டு மீனவர்களும் பேசி தீர்க்க மத்தியஅரசு நடவடிக்கை எடுக்க வேண்டும் என வலியுறுத்தினார்.
நாடாளுமன்றத்தில், தமிழக மீனவர்கள் இலங்கை கடற்படையினரால் தொடர்ந்து கைது செய்யப்படுவதும், தமிழக மீனவர்களின் படகுகளை பறிமுதல் செய்வது குறித்தும் திமுக எம்.பி.க்கள் கேள்வி எழுப்பினார். இதுகுறித்து திமுக டிஆர்.பாலு மக்களவையில் பேசும்போது, இரு நாட்டு மீனவர்கள் பிரச்சினையை மத்திய அரசால் தீர்க்க முடியாவிட்டால் இருநாட்டு மீனவர்களும் தாங்களாகவே அதைத் தீர்த்துக் கொள்ளட்டும் என கூறினார்.
தமிழ்நாட்டு மீனவர்கள் கைது செய்யப்படுவதை தடுக்கக் கோரி திமுக நாடாளுமன்ற உறுப்பினர்கள் தொடர்ந்து நாடாளுமன்றத்தில் போராட்டம் நடத்தியும், அவையில் குரல் எழுப்பியும் வலியுறுத்தி வருகின்றனர். அதன் ஒரு பகுதியாக திமுக பொருளாளர் டி. ஆர். பாலு எம்.பி. மக்களவையில் பேசும் போது, மத்தியஅரசால் தமிழ்நாடு மீனவர்களை காக்க இயலவில்லை என்றால், இருநாட்டு மீனவர்களும் அவர்கள் பிரச்சினைக்கு அவர்களே தீர்வு காணட்டும் என மக்களவையில் பேசினார்.
தமிழ்நாடு மற்றும் புதுச்சேரியில் உள்ள மீனவர்களின் துயர நிலையை உங்கள் கவனத்திற்குக் கொண்டுவர விரும்புகிறேன். உண்மையில், கடந்த 2024 ஆம் ஆண்டில், 528க்கும் மேற்பட்ட சம்பவங்கள் நடந்துள்ளன. இந்த ஆண்டு, 40 நாட்களுக்குள், 77க்கும் மேற்பட்ட சம்பவங்கள் நடந்துள்ளன. இலங்கை கடற்படை யின் மீனவர்களை துன்புறுத்தி, அவர்களின் உடைமைகளை எடுத்துக்கொண்டு, அவர்களைக் காவலில் வைத்தது.
இலங்கை கடற்படை எங்கள் கடல் எல்லைக்குள் நுழைந்து மக்களைச் சுட்டுக் கொன்றது. 27 ஆம் தேதி, அவர்கள் இரண்டு மீனவர்களைச் சுட்டுக் கொன்றனர். பிப்ரவரி 8 ஆம் தேதி, அவர்கள் 14 க்கும் மேற்பட்டவர்களைக் கைது செய்துள்ளனர். தமிழ்நாடு முதலமைச்சர் அவர்கள் ஒன்றிய வெளியுறவு அமைச்சர் ஜெய்சங்கருக்கு கடிதம் எழுதினார். இன்னும் 216 மீன்பிடி படகுகளும் 97 மீனவர்களும் இலங்கையின் காவலில் உள்ளனர். இந்திய அரசு எதுவும் செய்யவில்லை. அவர்கள் அதைப் பார்த்துக் கொண்டிருக்கிறார்கள்.
இலங்கையிலும் தமிழ்நாட்டிலும் உள்ள இரு மீனவ சமூகங்களும், நவம்பர் 2016 இல் நடந்ததைப் போல, இந்த பிரச்சினையை அவர்களே விவாதித்து முடிக்கு வரும் வகையில் ஏற்பாடு செய்யவேண்டும். மத்திய அரசால் இப்பிரச்சினை தீர்க்க முடியாவிட்டால் இருநாட்டு மீனவர்களும் தாங்களாகவே அதைத் தீர்த்துக் கொள்ளட்டும்.
இவ்வாறு டபேசியுள்ளார்.
