டெல்லி: டெல்லியில் இருந்து டேராடூன் சென்ற சதாப்தி எக்ஸ்பிரஸ் ரயிலில் இன்று திடீரென தீ விபத்து ஏற்பட்டு உள்ளது.
டெல்லியில் இருந்து டேராடூன் சென்ற சதாப்தி எக்ஸ்பிரஸ் ரயில் கன்ஸ்ரூ என்ற பகுதியருகே வந்தது. அப்போது, அதன் சி 4 பெட்டியில் திடீரென தீப்பற்றியது. அதிர்ச்சியில் பயணிகள் அலற, பின்னர் உடனடியாக ரயில் நிறுத்தப்பட்டு, தீயை அணைக்கும் பணிகள் நடந்தன.
தீ விபத்து பற்றி உத்தரகாண்ட் டி.ஜி.பி. அசோக் குமார் கூறியதாவது: மின் கசிவால் ரயிலில் தீ விபத்து ஏற்பட்டு உள்ளது. அனைத்து பயணிகளும் பாதுகாப்புடன் வெளியேற்றப்பட்டுள்ளனர்.
விபத்தினால் பயணிகள் யாருக்கும் காயம் ஏற்படவில்லை. பெட்டியில் பிடித்த தீ அணைக்கப்பட்டு கட்டுக்குள் கொண்டு வரப்பட்டு விட்டது என்று கூறினார்.