டெல்லி
அமலாக்கத்துறை திமுக எ பி ஜெகத்ரட்சகனுக்கு ரூ. 908 கோட் அபராதம் விதித்து ரூ. 89.19 கோடி மதிப்புள்ள சொத்துக்களை முடக்கி உள்ளது.
திமுக எம் பி ஜெகத்ரட்சகன் சிங்கப்பூரை சேர்ந்த தனியார் நிறுவனத்தின் 70 லட்சம் பங்குகளை வாங்கி உள்ளார். அவர் இந்த ப்ங்குகளை மனைவி,மகன், மகள் பெயரில் மாற்றியுள்ளார். ஆனால் இந்த பரிவர்த்தனைகள் அனைத்தும் ரிசர்வ் வங்கியின் அனுமதி பெறாமல் சட்டவிரோதமாக நடந்ததாக குற்றம்சாட்டிய அமலாக்கத்துறை, விளக்கம் கேட்டு ஜெகத்ரடசகனுக்கு நோட்டீஸ் அனுப்பியது.
இதையொட்டி ஜெகத்ரட்சகனுக்கு சொந்தமான இடங்களில் சோதனை நடத்தி ஆவணங்களை அமலாக்கத்துறை அதிகாரிகள் கைப்பற்றினர். எனவே இன்று அமலாக்கத்துறை ஒரு அறிக்கை வெளியிட்டுள்ளது.
அந்த அறிக்கையில்,
“ஜெகத்ரட்சகன் ரிசர்வ் வங்கி ஒப்புதல் பெறாமல் சிங்கப்பூர் நிறுவனத்தின் பங்குகளை வாங்கியதில் விதிமீறல் நடந்துள்ளது. சட்டவிரோத பணப்பரிமாற்றச் சட்டத்தின் கீழ், அவருக்கு சொந்தமான ரூ.89.19 கோடி மதிப்பு சொத்து முடக்கப்பட்டது. அவருக்கும், அவரது குடும்பத்திற்கும் ரூ.908 கோடி அபராதம் விதிக்கப்பட்டு உள்ளதாகவும், இதற்கான உத்தரவு கடந்த 26 ஆம் தேதி பிறப்பிக்கப்பட்டது”
என்று தெரிவிக்கப்பட்டுள்ளது.