சென்னை: அண்ணா அறிவாலயத்தில் இன்று மாலை முதல்வர் ஸ்டாலின் தலைமையில் திமுக எம்.எல்.ஏ.க்கள் கூட்டம் நடைபெறுகிறது. இதில் பட்ஜெட் கூட்டத்தொடரில் ஆற்றவேண்டிய பணிகள் குறித்து விவாதிக்கப்படும் என தெரிகிறது.
தமிழக பட்ஜெட் கூட்டத்தொடர் இன்று தொடங்கி உள்ளது. முதல்நாள் அமர்வான இன்று தமிழக நிதிநிலை அறிக்கையை நிதியமைச்சர் பிடிஆர் பழனிவேல் தியாகராஜன் தாக்கல் செய்தார். இதையடுத்து நாளை வேளாண் பட்ஜெட் தாக்கல் செய்யப்பட உள்ளது. இந்த கூட்டத்தொடர் வரும் 24ந்தேதிவரை மட்டுமே நடைபெறுகிறது.
இந்த நிலையில், இன்று மாலை திமுக எம்.எல்.ஏ.க்கள் கூட்டம் அண்ணா அறிவாலயத்தில் திமுக தலைவர் மு.க.ஸ்டாலின் தலைமையில் மாலை 5 மணிக்கு நடைபெறுகிறது. இந்த கூட்டத்தில் சட்டப்பேரவையில் பட்ஜெட் மீதான விவாதம் உள்ளிட்டவை குறித்து ஆலோசிக்கப்படும் என எதிர்பார்க்கப்படுகிறது.
நாளை வேளாண் பட்ஜெட் – 24ம் தேதி வரை சட்டப்பேரவை கூட்டம்! சபாநாயகர் அப்பாவு