இஸ்லாமாபாத்: இந்தியா தனது கிரிக்கெட்டின் அடிப்படை கட்டமைப்பை மேம்படுத்தியதால், அது இன்றைய நிலையில் உலகின் முதன்மையான அணியாக உருமாறி நிற்கிறது என்று பாராட்டியுள்ளார் முன்னாள் கிரிக்கெட் நட்சத்திரமும், பாகிஸ்தான் பிரதமருமான இம்ரான் கான்.
அவர் கூறியுள்ளதாவது, “பாகிஸ்தான் எப்போதுமே திறமைவாய்ந்த அணியாக இருந்து வருகிறது. ஆனால், அது உலகை வெல்லும் அணியாக மாறமுடியாமல் போனதற்கு, நம் நாட்டில் கிரிக்கெட் கட்டமைப்பை வலுப்படுத்தாமல் போனதுதான் காரணம்.
நம்மிடம் அதிகளவு திறமைவாய்ந்த வீரர்கள் இருந்தாலும், நாம் நமது கிரிக்கெட்டின் அடிப்படை கட்டமைப்பை மேம்படுத்தவில்லை. இதற்கெல்லாம் கால அவகாசம் தேவைப்படும்தான். ஆனாலும், பாகிஸ்தான் அணி, ஒருநாள் உலகை வெல்லும் அணியாக மீண்டும் பரிணமித்து நிற்கும் என்ற நம்பிக்கை எனக்குள்ளது” என்று கூறியுள்ளார் இம்ரான்கான்.