சென்னை
புஷ்பா 2 தி ரூல் திரைப்படம் டிசம்பர் 5 ஆம் தேதி 12000 திரையரங்குகளில் வெளியிடப்படுகிறது.
கடந்த 2021-ம் ஆண்டு தெலுங்கு திரை உலகில் முன்னணி நடிகரான அல்லு அர்ஜுன் நடிப்பில் வெளியாகி மிகப்பெரிய அளவில் ஹிட் அடித்த படம் ‘புஷ்பா தி ரைஸ்’. இதன் வெற்றியைத் தொடர்ந்து, தற்போது இதன் இரண்டாம் பாகமாக ‘புஷ்பா 2 தி ரூல்’ படம் உருவாகி வருகிறது.
இந்தப் படத்தில் ராஷ்மிகா மந்தனா, பகத் பாசில் உள்ளிட்டோர் நடித்துள்ளனர். சமீபத்தில் படத்தின் டீசரும் அதனைத் தொடர்ந்து படத்தின் பாடல்களின் லிரிக் வீடியோவும் வெளியாகி வைரலாகின. ஏற்கனவே ‘புஷ்பா’ படத்தில் ‘ஊ சொல்றியா’ என்ற பாடலுக்கு சமந்தா நடனமாடி இருந்தநிலையில், புஷ்பா -2 படத்தில் ‘டான்சிங் குயின்’ நடிகை ஸ்ரீலீலா நடனமாடியுள்ளார்.
தேவி ஸ்ரீ பிரசாத் இசையமைத்துள்ள இப்படத்தின் டிரெய்லர் தமிழ், தெலுங்கு, இந்தி, பெங்காலி, மலையாளம் மொழிகளில் வெளியான நிலையில், அல்லு அர்ஜுன் மற்றும் பகத் பாசிலுக்கு இடையேயான வசனங்கள் ரசிகர்கள் மத்தியில் வைரலானது.
டிசம்பர் மாதம் 5-ம் தேதி வெளியாகும் இப்படம் உலகளவில் சுமார் 12 ஆயிரம் திரையரங்குகளில் வெளியிட படக்குழுவினர் திட்டமிட்டுள்ளதாக கூறப்படுகிறது.இதில் தமிகத்தில் மட்டும் 800 திரையரங்குகளில் வெளியாக உள்ளது.