கேல் ரத்னா, அர்ஜுனா விருது பெற்றோருக்கு முதல்வர் வாழ்த்து

சென்னை’

தமிழக  முதல்வர் மு க ஸ்டாலின் கேல்  ரத்னா, அர்ஜுனா விருது பெற்ற விளையாட்டு வீரர்களுக்கு வாழ்த்து தெரிவித்துள்ளார்.

நேற்று மத்திய அரசின் விளையாட்டு வீரர்களுக்கான கேல் ரத்னா விருது அறிவிக்கப்பட்டுள்ளது. உலக செஸ் சாம்பியன் பட்டம் வென்ற தமிழக வீரர் குகேஷுக்கு கேல் ரத்னா விருது அறிவிக்கப்பட்டுள்ளது. மேலும் அர்ஜுனா விருதுக்கான பட்டியலில் துளசி மதி, மனிஷா, நித்யஸ்ரீ ஆகிய 3 தமிழக வீராங்கனைகள் இடம் பெற்றுள்ளனர்.

தமிழக முதல்வர் மு க ஸ்டாலின் கேல் ரத்னா விருது, அர்ஜுனா விருதுகளை பெற்ற தமிழக வீரர்- வீராங்கனைகளுக்கு வாழ்த்து தெரிவித்துள்ளார்.

முதல்வர் மு க ஸ்டாலின்  தனது எக்ஸ் தள பக்கத்தில்,

“தமிழகம் விளையாட்டுத் துறையின் வளர்ச்சியை உலக அரங்கில் உயர்த்திப் பிடித்த நம் சாதனை வீரர்களுக்கு மத்திய அரசின் விருதுகள் வழங்கப்பட்டிருப்பதில் மகிழ்ச்சி அளிக்கிறது.

கேல் ரத்னா விருது பெற்ற குகேஷ், அர்ஜுனா விருது பெற்ற துளசிமதி, நித்யஸ்ரீ, மனிஷா ராமதாஸ் ஆகியோருக்கு என் வாழ்த்துகள். வெற்றிகள் தொடரட்டும்!.

தமிழகத்தில் இருந்து சாதனை படைப்போரின் எண்ணிக்கை வருங்காலங்களில் உயர்ந்துகொண்டே இருக்க வேண்டும்.”

என்று பதிவிட்டுள்ளார்.