அரக்கோணம்: பிரதமர் மோடியால் சிஐஎஸ்எப் தேர்வு தமிழில் நடக்கிறது…. அந்தியாவில் உள்ள ஒவ்வொரு மாநில மொழிக்கும் மத்திய அரசு முக்கியத்துவம் அளித்து வருகிறது என அரங்கோணம் அருகே உள்ள தக்கோலத்தில் நடைபெற்று வரும் சிஐஎஸ்எஃப் விழாவில் கலந்துகொண்ட உள்துறை அமைச்சர் அமித்ஷா கூறினார்.
பிரதமர் மோடி வந்த பின்னரே சிஐஎஸ்எஃப் தேர்வு தமிழ் உள்ளிட்ட மாநில மொழிகளில் எழுத முடிவதாக கூறிய அமித் ஷா, மருத்துவம் மற்றும் பொறியியல் படிப்புகளை மாநில மொழிகளில் படிக்க நடவடிக்கை எடுக்கப்பட்டு வருவதாகவும் தெரிவித்துள்ளார்.
சி.ஐ.எஸ்.எப். 56-வது ஆண்டு விழா கொண்டாட்டத்தில் கலந்துகொள்ள உள்துறை அமைச்சர் அமித் ஷா இன்று தமிழகம் வருகை தந்துள்ளார். நாட்டில் உள்ள விமான நிலையங்கள், துறைமுகங்கள் உள்ளிட்ட இடங்களுக்கும், 150-க்கும் மேற்பட்ட முக்கிய பிரமுகர்களுக்கும் பாதுகாப்பு பணியை மேற்கொள்ளும் சி.ஐ.எஸ்.எப் எனப்படும் மத்திய தொழிலக பாதுகாப்பு படையின் 56-வது ஆண்டு விழா ராணிப்பேட்டை மாவட்டம் அரக்கோணம் அருகே தக்கோலத்தில் அமைந்துள்ள இந்த படையின் மண்டல பயிற்சி மையத்தில் இன்று நடைபெறுகிறது. விழாவில் மத்திய உள்துறை மந்திரி அமித்ஷா கலந்துகொண்டு சிறப்பித்து வருகிறார்.
இந்த விழாவில் அவர், ஜம்மு-காஷ்மீரில் 32 அறைகள் அடங்கிய சி.ஐ.எஸ்.எப்-ன் முகாம் அலுவலகம், கொல்கத்தாவில் ஆயுதங்கள் வைப்பிடம், நொய்டாவில் 240 வீரர்களுக்கான குடியிருப்பு, சிவகங்கையில் உள்ள 4-வது பட்டாலியன் பிரிவில் 27 அதிகாரிகள் தங்கும் விடுதி மற்றும் 128 வீரர்களுக்கான குடியிருப்பு, ஐதராபாத்தில் தீயணைப்பு நிர்வாக கட்டிடம் ஆகிய பணிகளுக்கு காணொலி மூலம் அடிக்கல் நாட்டினார். மேலும் அவர், காணொலி வாயிலாக, குஜராத் மற்றும் மேற்கு வங்காளத்தில் இருந்து சி.ஐ.எஸ்.எப். வீரர்களின் கன்னியாகுமரி வரையிலான 6,553 கி.மீ. தொலைவிலான சைக்கிள் பேரணியையும் தொடங்கி வைத்தார்.
நிழ்ச்சியில் பேசிய உள்துறை அமைச்சர் அமித்ஷா, தமிழக முதல்வர் கூறும் குற்றச்சாட்டுக்களுக்கு பதில் அளிக்கும் வகையில் உரையாற்றினார். மத்திய தொழிலக பாதுகாப்பு படை தொடங்கப்பட்டு 56 ஆண்டுகள் நிறைவு பெற்றுள்ளது. நாட்டின் பாதுகாப்பு பணிகளில் #CISF வீரர்களின் பங்கு மிக முக்கியமானது. இவர்கள் அமைதியான முறையில் பாதுகாப்பு பணியை சிறப்பாக செய்து வருகின்றனர்
2047ம் ஆண்டுக்குள் இந்தியாவை வல்லரசாக்க பிரதமர் மோடி முடிவு செய்துள்ளார் என்றார்.
மேலும், பிரதமர் மோடி தமிழுக்கும் அதன் பாரம்பரியத்திற்கும் முக்கியத்துவம் அளித்து வருகிறார்.
பிரதமர் மோடி வந்த பின்னரே சிஐஎஸ்எஃப் தேர்வு தமிழ் உள்ளிட்ட மாநில மொழிகளில் எழுத முடிகிறது.
ஒவ்வொரு மாநில மொழிக்கும் மத்திய அரசு முக்கியத்துவம் அளித்து வருகிறது.
பிரதமர் மோடி தலைமையிலான மத்திய அரசு எப்போதும் தமிழுக்கு முக்கியத்துவம் அளித்து வருகிறது.
மருத்துவம் மற்றும் பொறியியல் படிப்புகளை மாநில மொழிகளில் படிக்க நடவடிக்கை எடுக்கப்பட்டு வருகிறது எ
தமிழர்களின் பாரம்பரியம் மற்றும் கலாச்சாரம் இந்தியாவின் பாரம்பரியம், கலாச்சாரத்தை வலுப்படுத்துகிறது
இவ்வாறு கூறினார்.