சென்னை: தமிழ்நாடு விளையாட்டு மேம்பாட்டு ஆணையம், ஹாக்கி இந்தியா இணைந்து நடத்தும் ஹாக்கி இளையோர் உலக கோப்பைக்கான வெற்றிக்கோப்பையை தமிழ்நாடு முதல்வர் ஸ்டாலின் அறிமுகப்படுத்தினார்.
தமிழ்நாடு விளையாட்டு மேம்பாட்டு ஆணையம், ஹாக்கி இந்தியா இணைந்து நடத்தும் ஹாக்கி இளையோர் 14வது உலக கோப்பை தொடருக்கான கோப்பையை முதலமைச்சர் ஸ்டாலின் அறிமுகப்படுத்தினார் . அத்துடன் உலகக் கோப்பை போட்டிக்கான காங்கேயன் இலச்சினையை முதலமைச்சர் வெளியிட்டார்.
தமிழ்நாட்டில், இளையோர் உலகக் கோப்பை ஹாக்கி போட்டி நவ.28 முதல் டிச.10 வரை நடைபெற உள்ளது. இந்த போட்டிகள் சென்னை, மற்றும், மதுரையில் நடைபெறுகிறது.
இந்தப் போட்டியில், 24 அணிகள் 6 பிரிவுகளாகப் போட்டியிடுகின்றன. ‘பி’ பிரிவில் சிலி, இந்தியா, சுவிட்சர்லாந்து ஆகிய அணிகளுடன் இடம்பெற்றிருந்த பாகிஸ்தான் விலகியதால், ஓமன் அணி சேர்க்கப்பட்டுள்ளது.
Patrikai.com official YouTube Channel
