அதிக நன்கொடை பெற்ற ஆளும் கட்சி : பாஜகவுக்கு எவ்வளவு தெரியுமா?

டில்லி

அரசியல் கட்சிகளுக்கு மொத்தமாக அளிக்கப்பட்ட ரூ.637.54 கோடியில் ரூ. 488.94 கோடி பாஜகவுக்கு  அளிக்கப்பட்டுள்ளது.

கார்ப்பரேட் நிறுவனங்களின் தேர்தல் அறக்கட்டளைகள் அரசியல் கட்சிகளுக்கு அளித்துள்ள கட்சி நிதி குறித்த விவரங்கள் வெளியாகி உள்ளன.   அதன் படி 2013-14 முதல் 2016-17 வரையிலான நான்கு ஆண்டுகளில் மொத்தம் ரூ.637.54 கோடி ரூபாய் நன்கொடை அளிக்கப்பட்டுள்ளது.    அதில் அதிகபட்சமாக ரூ.488.94 கோடி நன்கொடை ஆளும் பாஜக வுக்கு கொடுக்கப்பட்டுள்ளது.

இதில் சென்ற 2016-17 ஆம் ஆண்டு மட்டும் பாஜகவுக்கு ரூ. 290.22 கோடி நன்கொடை வழங்கப்பட்டுள்ளது.    இதில் பெருமளவு தொகை புரூடெண்ட் மற்றும் ஜனதா நிர்வாசக் டிரஸ்ட் ஆகிய அறக்கட்டளைகளிடம் இருந்து பெறப்பட்டுள்ளது.    மற்ற கட்சிகளுக்கு ரூ.35 கோடி மட்டுமே நன்கொடை அளிக்கப்பட்டுள்ளது.