கோவை: பாரதியார் பல்கலைக்கழகத்தில் செப்டம்பர் 21ந்தேதி முதல் யுஜி, பிஜி இறுதி செமஸ்டர் தேர்வுகள் தொடங்குவதாக அறிவிக்கப்பட்டுள்ளது.
கொரோனா தொற்று காரணமாக, கல்லூரியின் இறுதியாண்டு செமஸ்டர் தேர்வு உள்பட அனைத்து தேர்வுகளும் ரத்து செய்யப்பட்டு உள்ளன. அதைத் தொடர்ந்து வரும் செப்டம்பர் மாதத்திற்குள் இறுதியாண்டு தேர்வுகளை கட்டாயம் நடத்த வேண்டும் என்று கூறி, அதற்கான வழிகாட்டு நெறிமுறைகளை யுஜிசி வெளியிட்டது.
இந்த நிலையில், கோவை பாரதியார் பல்கலைக்கழகம் தேர்வு குறித்து அறிவிப்பு வெளியிட்டு உள்ளது. அதன்படி, வரும 21ந்தேதி முதல் இறுதியாண்டு செமஸ்டர் தேர்வுகள் நடைபெறும் என்றும், மேலும் வைவா தேர்வு உள்பட தேர்வு தேதிகள் விரைவில் அறிவிக்கப்படும் என்றும் தெரிவித்து உள்ளது.
