பேட்மேன் படத்தில் நடித்த வால் கில்மர் மரணம்

லாஸ் ஏஞ்சல்ஸ்

உலகப் புகழ் பெற்ற பேட்மேன் படத்தில் நடித்த வால் கில்மர் மரணம்  அடைந்தார்.

கடந்த 80 மற்றும் 90களில் ஹாலிவுட்டில்  மிகப்பெரிய நடிகராக வலம் வந்த வால் கில்மர்(65) . இவர் டாப் கன், பேட்மேன் பாரெவர் உள்ளிட்ட படங்களில் நடித்து ரசிகர்களின் மனதில் நீங்கா இடம் பிடித்தார்.

இவர் ‘பேட்மேன் பாரெவர்’ படத்தில் பேட்மேன் கதாபாத்திரத்தில் நடித்து அசத்தி இருந்தார். 2014-ம் ஆண்டு இவருக்கு தொண்டை புற்றுநோய் இருப்பது கண்டறியப்பட்டு அவர் சிகிச்சை பெற்று புற்றுநோயில் இருந்து மீண்டார்.

இவர் கடந்த 2022-ம் ஆண்டு வெளியான டாப் கன்: மேவரிக் படத்தில் டாம் குரூஸுடன் நடித்திருந்தார். நிமோனியா நோயால் பாதிக்கப்பட்டு மருத்துவமனையில் சிகிச்சை பெற்று வந்த வால் கில்மர் இன்று சிகிச்சை பலனின்றி உயிரிழந்ததாக அவரது மகள் மெர்சிடிஸ் கில்மர் தெரிவித்திருக்கிறார்.