மீண்டும் தொடங்கும் ‘அண்ணாத்த’ ஷுட்டிங்..!

சிவா இயக்கத்தில் சன் பிக்சர்ஸ் தயாரிக்கும் அண்ணாத்த படத்தில் நடித்து வருகிறார் ரஜினிகாந்த். அவருடன் நயன்தாரா, குஷ்பு, மீனா, கீர்த்தி சுரேஷ், சூரி, சதீஷ் உள்ளிட்டோர் நடித்து வருகிறார்கள்.

கொரோனா அச்சுறுத்தலால் நிறுத்தி வைக்கப்பட்டிருந்த இத்திரைப்படத்தின் படப்பிடிப்பு டிசம்பர் 14-ம் தேதி மீண்டும் தொடங்கியது.

டிசம்பர் 23-ம் தேதி படக்குழுவில் இருந்த 4 பேருக்கு கொரோனா தொற்று உறுதி செய்யப்பட்டது.

அண்ணாத்த படப்பிடிப்பு 6 மாதங்களுக்கு தள்ளி வைக்கப்பட்டுள்ளதாக சமீபத்தில் தகவல் வெளியாகின. தமிழகத்தில் மே மாதம் சட்டமன்ற தேர்தல் நடைபெறும் , தேர்தல் முடிந்தவுடன் ஜூன் அல்லது ஜூலை மாதத்தில் தான் அண்ணாத்த படத்தின் அடுத்தகட்ட படப்பிடிப்பு தொடங்கப்படும் என எதிர்பார்க்கப்பட்டது .

இந்த சூழலில் அண்ணாத்த திரைப்படம் 2021-ம் ஆண்டு தீபாவளியை முன்னிட்டு நவம்பர் 4-ம் தேதி வெளியாகும் என தயாரிப்பு நிறுவனம் அதிகாரப்பூர்வமாக அறிவித்தது.

இந்நிலையில், அண்ணாத்த படப்பிடிப்பு மீண்டும் தொடங்குவது எப்போது என்பது குறித்த தகவல் வெளியாகி உள்ளது. அண்ணாத்த படத்தின் ஷூட்டிங் வரும் மார்ச் 15ஆம் தேதி தொடங்கும் என தகவல் வெளியாகியுள்ளது. இதற்காக ஈவிபி பிலிம்சிட்டியில் பிரமாண்ட செட் அமைக்கப்பட்டுள்ளது என்றும் அங்கு படப்பிடிப்பு முடிந்த பிறகு கோயம்புத்தூர் மற்றும் பொள்ளாச்சி சுற்று வட்டாரப் பகுதிகளில் ஷூட்டிங் நடைபெறும் என்றும் கூறப்படுகிறது.

#Superstar #Rajinikanth to resume #Annaatthe shooting by March 😎

It will be a long & final schedule 🔥 pic.twitter.com/t85M2snsvf

— Studio Flicks (@StudioFlicks) February 8, 2021