லண்டன்: கேம்பிரிட்ஜ் டியூக். வில்லியம் தனது சகோதரருடனான பதட்டங்கள் குறித்து வருத்தத்தை வெளிப்படுத்தியுள்ள, அதே வேளையில் தாங்கள் இருவரும் இப்போது தனித்தனி நிறுவனங்கள் என்றும் கூறியிருக்கிறார்.
சகோதரர்கள் இப்போது “தனித்தனி நிறுவனங்கள்” ஆனால் இளவரசர் வில்லியம் விஷயங்களை தீர்க்க முடியும் என்று நம்புகிறார், எனவே அரச குடும்பம் மீண்டும் ஒரு குழுவாக இருந்து பணியாற்ற முடியும் என்று தகவல்கள் தெரிவிக்கின்றன.
“நான் எங்கள் வாழ்நாள் முழுவதும் என் சகோதரனுக்கு ஆதரவாக இருந்திருக்கிறேன், இனி இதைச் செய்ய முடியாது; நாங்கள் தனித்தனி நிறுவனங்கள்”, என்று வில்லியம் ஒரு நண்பரிடம் கூறியதாக சண்டே டைம்ஸ் செய்தி வெளியிட்டுள்ளது.
வில்லியம் மேலும் கூறியதாவது: “நான் அதைப் பற்றி வருத்தப்படுகிறேன். நாம் செய்யக்கூடியது, என்னால் செய்ய முடிந்ததெல்லாம், அவர்களுக்கு ஆதரவாக இருக்க முயற்சி செய்வதோடு, நாம் அனைவரும் ஒன்று சேரும் நாள் வரும் என்று நம்புகிறோம். எல்லோரும் ஒரே குழுவாக நம் பங்களிப்பை அளிக்க வேண்டும் என நான் விரும்புகிறேன்.“
ராணி, வேல்ஸ் இளவரசர், வில்லியம் மற்றும் ஹாரி ஆகியோர் 15ம் தேதியன்று சசெக்ஸஸின் பிளவு ஏற்படுத்தும் அறிக்கைக்குப் பிறகு முதல் முறையாக நேருக்கு நேர் சந்திக்கத் தயாராகி வருகையில் இந்த கருத்துக்கள் வந்துள்ளன.
அந்த அறிக்கையில், ஹாரி மற்றும் மேகன் ஆகியோர் முன்னணி ராயல்கள் என்கிற நிலைப்பாட்டில் இருந்து “பின்வாங்க” விரும்புவதாகவும் இங்கிலாந்து மற்றும் வட அமெரிக்காவிற்கு இடையில் தங்கள் நேரத்தை பிரித்து, “நிதி ரீதியாக சுயாதீனமாக” மாறுவதற்கு நோக்கம் கொண்டதாகக் கூறினர்.
அரண்மனை அதிகாரிகள் மற்றும் இங்கிலாந்து மற்றும் கனடா நாட்டு அரசாங்கங்களின் பிரதிநிதிகள் இடையே தொடர்ச்சியான ஆலோசனைகளுக்குப் பிறகு, மேகனும் ஹாரியும் கலப்பின ராயல்களாக புதிய “முற்போக்கான” பாத்திரங்களை செதுக்குவதற்கான நோக்கத்தை எவ்வாறு அடைய முடியும் என்பது பற்றி திங்கள்கிழமை சந்திப்பு அவர்களுக்கு ஒரு வாய்ப்பாக அமையும் என்று நம்பப்படுகிறது.