தெஹ்ரான்: கப்பல் போக்குவரத்துக்காக ஹோர்முஸ் நீரிணை (ஜலசந்தி) போர்நிறுத்த காலத்தில் “முழுமையாகத் திறந்திருக்கும்” என ஈரான் அறிவிப்பு வெளியிட்டுள்ளது. இது உலக நாடுகளிடையே பெரும் வரவேற்பை பெற்றுள்ளது.
ஹோர்முஸ் நீரிணை போர்நிறுத்த காலத்தில் “முழுமையாகத் திறந்திருக்கும்”: ஈரானின் முக்கிய அறிவிப்பு வெளியிடப்பட்டுள்ளது. ஹோர்முஸ் ஜனசந்தி பகுதியை அமெரிக்க போர்க்கப்பல்கள் முழுமையாக முற்றுகையிட்ட நிலையில், ஈரானின் முக்கிய அறிவிப்பு வெயிானது. இந்த பகுதியில், அனைத்து வர்த்தகக் கப்பல்களுக்கும் இந்த வழித்தடம் திறந்திருக்கும் என்று ஈரானிய வெளியுறவுத் துறை அமைச்சர் அப்பாஸ் அராக்ச்சி தெரிவித்தார்.ஹோர்முஸ் நீரிணை “முழுமையாகத் திறந்திருக்கிறது” என்பதை அமெரிக்க அதிபர் டொனால்ட் டிரம்ப்பும் சமூக ஊடகங்கள் வாயிலாக உறுதிப்படுத்தினார்.
இது தொடர்பாக ஈரானிய வெளியுறவுத் துறை அமைச்சர் அப்பாஸ் அராக்ச்சி தனது ‘X’ (முன்னர் ட்விட்டர்) தளத்தில் வெளியிட்ட ஒரு பதிவில், அனைத்து வர்த்தகக் கப்பல்களுக்கும் இந்த வழித்தடம் திறந்திருக்கும் என்று குறிப்பிட்டுள்ளானர்.
“லெபனானில் அமலில் உள்ள போர்நிறுத்தத்திற்கு இணங்க, ஈரானிய இஸ்லாமியக் குடியரசின் துறைமுகங்கள் மற்றும் கடல்சார் அமைப்பால் ஏற்கனவே அறிவிக்கப்பட்ட ஒருங்கிணைந்த வழித்தடத்தின் வழியாக, ஹோர்முஸ் நீரிணை வழியான அனைத்து வர்த்தகக் கப்பல்களின் போக்குவரத்தும், போர்நிறுத்தக் காலத்தின் எஞ்சிய நாட்களுக்கு முழுமையாகத் திறந்திருப்பதாக அறிவிக்கப்படுகிறது,” என்று அராக்ச்சி ‘X’ தளத்தில் பதிவிட்டார்.
லெபனானில் அமலில் உள்ள போர்நிறுத்தத்திற்கு இணங்க, ஈரானிய இஸ்லாமியக் குடியரசின் துறைமுகங்கள் மற்றும் கடல்சார் அமைப்பால் ஏற்கனவே அறிவிக்கப்பட்ட ஒருங்கிணைந்த வழித்தடத்தின் வழியாக, ஹோர்முஸ் நீரிணை வழியான அனைத்து வர்த்தகக் கப்பல்களின் போக்குவரத்தும், போர்நிறுத்தக் காலத்தின் எஞ்சிய நாட்களுக்கு முழுமையாகத் திறந்திருப்பதாக அறிவிக்கப்படுகிறது.
இதற்கிடையில், ஹோர்முஸ் நீரிணை “முழுமையாகத் திறந்திருக்கிறது” என்பதை அமெரிக்க அதிபர் டொனால்ட் டிரம்ப்பும் சமூக ஊடகங்கள் வாயிலாக உறுதிப்படுத்தினார். “ஹோர்முஸ் நீரிணை முழுமையாகத் திறந்திருப்பதாகவும், முழுமையான போக்குவரத்திற்குத் தயாராக இருப்பதாகவும் ஈரான் சற்றுமுன் அறிவித்துள்ளது. நன்றி!” என்று டிரம்ப் பதிவிட்டார்.
எனினும், மற்றொரு தனிப் பதிவில், நீரிணை திறந்திருந்தாலும் கூட, ஈரானுடனான “பேச்சுவார்த்தை” (transaction) முழுமையாக முடியும் வரை, அமெரிக்கா மேற்கொண்டுள்ள கடற்படை முற்றுகை முழு வீச்சில் தொடரும் என்று டிரம்ப் தெளிவுபடுத்தினார்.
ஹோர்முஸ் நீரிணையை இனி “ஒருபோதும்” மூடப்போவதில்லை என்றும், உலகிற்கு எதிராக அதை ஒரு “ஆயுதமாக” ஒருபோதும் பயன்படுத்தப்போவதில்லை என்றும் ஈரான் ஒப்புக்கொண்டிருப்பதாக குடியரசுக் கட்சித் தலைவரான டிரம்ப் மேலும் தெரிவித்தார்.
ஹோர்முஸ் நீரிணை திறக்கப்படுவதாக அறிவிக்கப்பட்டதைத் தொடர்ந்து, கச்சா எண்ணெய் விலைகள் 10 சதவீதம் சரிந்துள்ளதாக அசோசியேட்டட் பிரஸ் செய்தி நிறுவனம் தெரிவித்துள்ளது.
இஸ்ரேல்-லெபனான் போர்நிறுத்த ஒப்பந்தம்
இதற்கிடையில் லெபனான் மற்றும் இஸ்ரேல் ஆகிய நாடுகளுக்கு இடையே 10 நாட்கள் நீடிக்கும் ஒரு போர்நிறுத்த ஒப்பந்தம் எட்டப்பட்டு உள்ளதாக டிரம்ப் ஏப்ரல் 17ந்தேதி (வியாழக்கிழமையன்று) அறிவித்தார்; மேலும், இவ்விரு நாடுகளின் தலைவர்களுக்கும் இடையே வரலாற்றிலேயே முதன்முறையாக ஒரு சந்திப்பை ஏற்பாடு செய்ய தாம் முயன்று வருவதாகவும் அவர் தெரிவித்தார்.
ஈரானுடனான போரை முடிவுக்குக் கொண்டுவருவதற்கான ஒரு உடன்பாட்டை எட்டுவதற்கான அமெரிக்காவின் முயற்சிகளின் ஒரு பகுதி யாகவே, போரிட்டு வரும் இரு நாடுகளுக்கும் இடையிலான போர்நிறுத்த ஒப்பந்தம் ஏற்பட்டது. எந்தவொரு உடன்படிக்கையிலும் லெபனான் போர்நிறுத்தம் ஒரு பகுதியாக இருக்க வேண்டும் என்று தெஹ்ரான் வலியுறுத்தியிருந்தது.
இஸ்ரேலியப் பிரதமர் பெஞ்சமின் நெதன்யாகு மற்றும் லெபனான் அதிபர் ஜோசப் அவுன் ஆகியோருடன் நடந்த “சிறப்பான” தொலைபேசி உரையாடல்களுக்குப் பிறகே, பகைமைகளை நிறுத்துவதற்கான இந்த ஒப்பந்தம் எட்டப்பட்டதாக அமெரிக்கத் தலைவர் கூறினார்.
“தங்கள் நாடுகளுக்கு இடையே அமைதியை அடைவதற்காக, இந்த இரு தலைவர்களும் கிழக்கு நேரப்படி மாலை 5 மணிக்கு, அதாவது கிரீன்விச் நேரப்படி இரவு 9 மணிக்கு, 10 நாள் போர்நிறுத்தத்தை முறையாகத் தொடங்க ஒப்புக்கொண்டுள்ளனர்,” என்று டிரம்ப் தனது ‘ட்ரூத்’ சமூக வலைதளத்தில் கூறினார்.
“அடுத்த நான்கு அல்லது ஐந்து நாட்களில்” நெதன்யாகுவும் அவுனும் வெள்ளை மாளிகைக்கு வருகை தருவார்கள் என்று எதிர்பார்ப்பதாக அவர் பின்னர் கூறினார்.
ஹோர்முஸ் ஜலசந்தி மீண்டும் திறக்கப்படும் என்ற அறிவிப்பை பிரான்ஸ் மற்றும் பிரிட்டன் தலைவர்கள் வரவேற்றுள்ளனர், ஆனால் அது நிரந்தரமாக்கப்பட வேண்டும் என்றும் கூறியுள்ளனர்.
ஜனாதிபதி இம்மானுவேல் மக்ரோன் மற்றும் பிரதமர் கெய்ர் ஸ்டார்மர் ஆகியோர், கடல்சார் பாதுகாப்பை மீட்டெடுப்பதற்கான ஒரு சர்வதேசப் பணியைத் தொடர்ந்து திட்டமிடுவோம் என்றும், அடுத்த வாரம் லண்டனில் இராணுவத் திட்டமிடுபவர்களின் கூட்டம் நடைபெற உள்ளதாகவும் தெரிவித்துள்ளனர்.
சுமார் 50 நாடுகள் கலந்துகொண்ட கூட்டத்திற்குப் பிறகு பேசிய மக்ரோன், “அனைத்துத் தரப்பினராலும் ஹோர்முஸ் ஜலசந்தி முழுமையா கவும், உடனடியாகவும், நிபந்தனையின்றியும் மீண்டும் திறக்கப்பட வேண்டும் என்று நாங்கள் அனைவரும் கோருகிறோம்” என்றார்.
இந்த நீர்வழிப்பாதை திறக்கப்பட்டுள்ளதாக ஈரான் மற்றும் அமெரிக்கா விடுத்த அறிவிப்பு, “நீடித்ததாகவும், செயல்படுத்தக்கூடிய ஒரு திட்டமாகவும்” மாற வேண்டும் என்று ஸ்டார்மர் கூறினார்.
“சூழ்நிலைகள் அனுமதித்தவுடன்”, கப்பல் போக்குவரத்தைப் பாதுகாப்பதற்காக பிரான்சும் பிரிட்டனும் ஒரு பன்னாட்டுப் பணிக்குத் தலைமை தாங்கும் என்றும் அவர் கூறினார்.
[youtube-feed feed=1]