வங்கக்கடலில் இன்று காற்றழுத்த தாழ்வுப் பகுதி உருவாகும் நிலையில், தமிழகத்தின் டெல்டா மற்றும் தென் மாவட்டங்களில் அடுத்த 2 நாட்களுக்கு கனமழை பெய்யும் வாய்ப்பு இருப்பதாக சென்னை வானிலை ஆய்வு மையம் எச்சரித்துள்ளது.
இன்று மாநிலத்தின் ஒருசில இடங்களிலும், புதுவை–காரைக்கால் பகுதிகளிலும் இடி, மின்னலுடன் லேசானது முதல் மிதமான மழை பெய்யக்கூடும்.
கன்னியாகுமரி, திருநெல்வேலி, தூத்துக்குடி, தென்காசி, நாகப்பட்டினம் உள்ளிட்ட பல மாவட்டங்களில் ஓரிரு இடங்களில் கனமழை பெய்யும் என்று வானிலை மையம் எச்சரித்துள்ளது.
நாளை (23-ம் தேதி) தென் தமிழகத்தின் பல்வேறு இடங்களில் மழை அதிகரித்து பெய்யக்கூடும் எனவும் வட தமிழகத்திலும் புதுவை–காரைக்காலிலும் சில பகுதிகளில் மிதமான மழைக்கு வாய்ப்பு இருப்பதாகவும் கூறப்பட்டுள்ளது.
தமிழகம் முழுவதும் 24-ம் தேதி வரை மழை தொடரும் என்றும், டெல்டா மற்றும் தென் மாவட்டங்களில் இடி, மின்னலுடன் கூடிய கனமழை சாத்தியம் நிலவுகிறது.
அதே நேரத்தில், சென்னை நகரில் வானம் மேகமூட்டத்துடன் காணப்படும்; சில பகுதிகளில் லேசானது முதல் மிதமான மழை பெய்யக்கூடும் என வானிலை ஆய்வு மையம் அறிவித்துள்ளது.
