இந்தியாவில் உள்ள அரசு மருத்துவ கல்லூரிகள் மற்றும் தனியார் மருத்துவ கல்லூரிகளில் வெளிநாட்டு வாழ் இந்தியர்களுக்கு (என்ஆர்ஐ) குறிப்பிட்ட சதவீதம் இடம் ஒதுக்கப்படுகிறது. அதாவதுரு, தனியார் மருத்துவக் கல்லூரிகள் பொதுவாக தங்கள் இடங்களில் 5% முதல் 15% வரை NRIகள், இந்திய வம்சாவளியைச் சேர்ந்த நபர்கள் (PIOக்கள்) மற்றும் இந்தியாவின் வெளிநாட்டு குடிமக்களுக்கு (OCIகள்) ஒதுக்குகின்றன, இந்த சேர்க்கைக்கு NEET-UG அனுமதி தேவை.
அவ்வாறு இருந்தும், தனியார் கல்லூரிகளில் போலி ஆவணங்கள் மூலம் என்ஆர்ஐ ஒதுக்கீட்டின்கீழ் 18,000 பேர் இடம்பிடித்துள்ளது அமலாக்கத்துறை விசாரணையில் அம்பலமாகி உள்ளது. மேற்குவங்கம் ஒடிசாவில் இந்த முறைகேடுகள் சிக்கியுள்ளதாக கூறப்படுகிறது.
நாடு முழுவதும் மருத்துவ படிப்புகளுக்கு நீட் நுழைவு தேர்வு நடத்தி மாணவர்கள் தேர்வு செய்யப்படுகின்றனர். இந்த மாணவர் சேர்க்கையில், வெளிநாடு வாழ் இந்தியர்களுக்கு 15சதவிகிதம் இடம் ஒதுக்கப்படுகிறது. இந்த இடங்களுக்கான போட்டியில், மாபெரும் மோசடி நடைபெற்றுள்ளது தெரிய வந்துள்ளது. சுமார் 18ஆயிரம் மாணவர்கள், போலியான என்ஆர்ஐ எனப்படும் வெளிநாடு வாழ் ஆவணங்களைக்கொண்டு, இந்திய மருத்துவ கல்லூரிகளில் MBBS படிப்புகளில் சேர்ந்துள்ளது கண்டுபிடிக்கப்பட்டு உள்ளது.
இதுதொடர்பான புகார்களின் பேரில், என்ஆர்ஐ நடத்திய விசாரணையில், 18ஆயிரம் மாணவர்கள் போலி NRI ஆவணங்களைப் பயன்படுத்தி தனியார் மருத்துவ கல்லூரிகளில் இடம் பிடித்துள்ளது அம்பலமாகி உள்ளது.
இதுதொடர்பாக சமீபத்தில், ஒடிசாவில் உள்ள மூன்று தனியார் மருத்துவக் கல்லூரிகளில் சோதனைகளை நடத்தியது. புவனேஸ்வர் மற்றும் ரூர்கேலாவில் உள்ள கல்லூரிகள் மற்றும் அலுவலகப் பொறுப்பாளர்களின் வீடுகளில் இந்த சோதனைகள் நடத்தப்பட்டன. NRI சேர்க்கை தொடர்பான நிதி முறைகேடுகள் மற்றும் மோசடி ஆவணங்கள் குறித்த விசாரணையின் ஒரு பகுதியாக இந்த சோதனைகள் நடத்தப்படுவதாக வட்டாரங்கள் தெரிவித்தன.
முன்னதாக, சில மாதங்களுக்கு முன்பு மேற்கு வங்காளத்தில் இதேபோன்ற தேடல்களைத் நடத்தியது, இந்தசோதனைகளின்போது,என்ஆர்ஐ மாணவர் சேர்க்கைகளில் பெரிய நிதி பரிவர்த்தனைகள் சம்பந்தப்பட்ட சாத்தியமான மோசடிகள் நடந்துள்ளது தெரிய வந்துள்ளது. இதுகுறித்து விரைவில் அதிகாரப்பூர்வமான அறிக்கை வெளியாகும் என எதிர்பார்க்கப்படுகிறது.
இந்தியாவில் உள்ள சில தனியார் மருத்துவக் கல்லூரிகளில் எம்பிபிஎஸ் படிப்பில் சேரும் என்ஆர்ஐ மாணவர்கள் பலர் உண்மையில் வெளி நாட்டினர் இல்லை. ஆனால், இதுபோன்ற சட்டவிரோத செயல்களில் ஈடுபடும் ஏஜென்டுகளுக்கு பணம் கொடுத்து உள்நாட்டு மாணவர்களை வெளிநாடு வாழ் இந்தியர்போல காட்டும் வகையில், போலி ஆவணங்கள் தயார் செய்து இடம் பிடித்துள்ளது கண்டுபிடிக்கப்பட்டு உள்ளது.
மேற்கு வங்கம், ஒடிசா உள்ளிட்ட மாநிலங்களில் என்ஐஆர் ஒதுக்கீட்டில் முறைகேடாக மாணவர்கள் சேர்க்கப்பட்டுள்ளது அமலாக்கத்துறை விசாரணையில் கண்டு பிடிக்கப்பட்டுள்ளது.
இதுதொடர்பாகதனியார் மருத்துவ கல்லூரிகளில் அமலாக்கத்துறை நடத்திய சோதனையில் போலி என்ஆர்ஐ சான்றிதழ்கள் சிக்கியுள்ளன. இதுதொடர்பாக மேற்கு வங்கத்தில் உள்ள ஒரு தனியார் கல்லூரி வங்கியில் வைத்துள்ள வைப்பு தொகை ரூ.6.42 கோடியை முடக்கியுள்ளது. இதேபோல் முறைகேட்டில் ஈடுபட்ட சில தனியார் கல்லூரிகளின் ரூ.12.33 கோடியை அமலாக்கத் துறை முடக்கியுள்ளது.
இந்த சம்பவம் பெரும் பரபரப்பை ஏற்படுத்தி உள்ளது.
