சென்னை: 26 கோடி மோசடி வழக்கில் ‘மெர்சல்’ தயாரிப்பாளர் ராமசாமிக்கு எழும்பூர் நீதிமன்றம் ஜாமீனில் வெளிவர முடியாத வாரண்ட் பிறப்பித்துள்ளது. இதனால் அவர் கைது செய்யப்பட உள்ளார்.
தமிழ் சினிமாவின் பழம்பெரும் இயக்குனர்களில் ஒருவராக திகழ்ந்தவர் ராம நாராயணன் மறைவுக்கு பிறகு, அவரது மகன் ராமசாமியே தேனாண்டாள் பிலிம்ஸ் நிறுவனத்தை நிர்வகித்து வருகிறார். தேனாண்டாள் பிலிம்ஸ் நிறுவனத்தின் சார்பில் விஜய்யின் “மெர்சல்” திரைப்படத்தை 2017 ஆம் ஆண்டு தயாரித்திருந்தார். அதனை தொடர்ந்து “வல்லவனுக்கு வல்லவன்”, “Mr Housekeeping” போன்ற திரைப்படங்களை தயாரித்தார்.
இந்த நிலையில் மலேசியாவைச் சேர்ந்த ஐஜி குளோபல் பிலிம்ஸ் என்ற நிறுவனம் என்.ராமசாமி மீது ரூ.26 கோடி காசோலை மோசடி வழக்கு ஒன்றை தொடுத்துள்ளது. அதன் மனுவில், இந்தியா உட்பட உலகெங்கிலும் உள்ள நாடுகளில் திரைப்பட விநியோக நடவடிக்கைகளுக்காக என்.ராமசாமியின் தேனாண்டாள் பிலிம்ஸ் உடன் ஒரு ஒப்பந்தத்தில் கையெழுத்திட்டுள்ளது. அதன் வணிகத் தேவைகளுக்காக பல தவணைகளில் சுமார் ரூ.26 கோடி கடனை வழங்கியதாகவும், அந்தக் கடனுக்கு ஈடாக விற்பனை ஒப்பந்த ஆவணங்கள் மற்றும் கடன் உத்தரவாத ஆவணங்கள் உட்பட முக்கியமான, நம்பகமான ஆவணங்களைப் பெற்றதாகவும் மனுவில் கூறப்பட்டுள்ளது.
இந்த ஒப்பந்தத்தின் கீழ் தேவையான பணம் செலுத்தப்பட்டாலும், எதிர்பார்த்தபடி பணம் திருப்பிச் செலுத்தப்படவில்லை என்பதே இந்த வழக்கின் முக்கிய குற்றச்சாட்டாக உள்ளது. மேலும், இந்த விஷயத்தில் ராமசாமி தரப்பில் வழங்கப்பட்ட பல காசோலைகள் வங்கியில் சமர்ப்பிக்கப்பட்டபோது அவை பணமில்லாமல் திரும்பியது. இது இந்திய காசோலை மோசடி தடுப்புச் சட்டத்தின் கீழ் குற்றமாகும். எனவே, இது ஒரு திட்டமிட்ட மோசடியாகக் கருதி, முழுமையான விசாரணை நடத்தி சட்ட நடவடிக்கை எடுக்கப்பட வேண்டும் என்று கோரிக்கை விடுக்கப்பட்டது.
இது தொடர்பாக சென்னை எழும்பூர் பெருநகர மாஜிஸ்திரேட் நீதிமன்றத்தில் இரண்டு தனித்தனி மனுக்கள் தாக்கல் செய்யப்பட்டன. இந்த வழக்கு விசாரணைக்கு வந்தபோது, தேனாண்டாள் பிலிம்ஸ் பிரதிநிதியோ அல்லது அதன் உரிமையாளர் என். ராமசாமியோ நீதிமன்றத்தில் ஆஜராகவில்லை. இதைக் கண்டித்து, ஜாமீனில் வெளிவர முடியாத நபர்களுக்கு முன்னர் பிறப்பிக்கப்பட்ட கைது வாரண்டை நீதிமன்றம் ரத்து செய்தது, மேலும் கடுமையான நடவடிக்கையாக, ஜாமீனில் வெளிவர முடியாத நபர்களுக்கு கைது வாரண்டைப் பிறப்பித்தது. அவரைக் கைது செய்து நேரில் ஆஜர்படுத்த காவல்துறைக்கு உத்தரவிடப்பட்டது.
இதைத்தொடர்ந்து, வழக்கு மேலும் விசாரணைக்காக அக்டோபர் 3ஆம் தேதிக்கு ஒத்திவைக்கப்பட்டது.
