திண்டுக்கல்: குடும்ப பிரச்சினை மற்றும் கடனில் காரணமாக தமிழ்நாட்டு மருத்துவர் IV திரவங்களை தானாக செலுத்திக் கொண்டு தற்கொலை செய்து கொண்டுள்ளார். இந்த சம்பவம் கொடைக்கானல் அருகே நடந்தேறியுள்ளது. இது பெரும் பரபரப்பை ஏற்படுத்தி உள்ளது.
தமிழ்நாடு, கொடைக்கானல் அருகே 3 நாட்களாக ஒரே இடத்தில் நிறுத்தப்பட்டிருந்த கார் குறித்து அப்பகுதி மக்கள் காவல்துறைக்கு தகவல் கொடுத்தனர். இதையடுத்து காவல்துறையினர் விரைந்து வந்து காரை கண்ணாடியை உடைத்து, காரை திறந்து பார்த்ததில், காருக்குள் ஒருவர் இறந்து கிடந்தது கண்டுபிடிக்கப்பட்டது. காருக்குள் தனக்குத்தானே நரம்பு வழி (IV) திரவங்கள் செலும் உபகரங்களும் இருந்ததால், அவர் அதை தானாகவே செலுத்திக் கொண்டு தற்கொலை செய்துகொண்டதாக கூறப்படுகிறது.
விசாரணையில், கொடைக்கானல், பூம்பாறை அருகே உள்ள ஒரு காட்டுப் பகுதியில், கார் மூன்று நாட்களாக ஒரே இடத்தில் நிறுத்தப்பட்டிருப்பதை உள்ளூர்வாசிகள் கவனித்து அதிகாரிகளுக்குத் தகவல் அளித்ததை அடுத்து, உடல் கண்டுபிடிக்கப்பட்டது. மதுரையில் பணிபுரியும் சேலத்தைச் சேர்ந்த முதுகலை மருத்துவ மாணவர் டாக்டர் ஜோசுவா சாம்ராஜ் என அடையாளம் காணப்பட்ட இறந்தவர், நிதி நெருக்கடியில் இருந்ததாகக் கூறப்படுகிறது. ஆனால், அவரது குடும்பதினர் குடும்ப பிரச்சினை என்று கூறி வருகின்றனர்.
மருத்துவமாணவரான 29 வயதான அந்த நபர் IV திரவங்களை வாகனத்திற்குள் எடுத்துக் கொண்டதாகவும், இது தற்கொலைக்கு வாய்ப்புள்ளதாகக் கூறுவதாகவும் போலீசார் உறுதிப்படுத்தினர்.
மேலும், அவர் தற்கொலை செய்துகொண்ட காரில் இருந்து ஒரு தற்கொலைக் குறிப்பு மீட்கப்பட்டது, அதில் டாக்டர் சாம்ராஜ் தனது குடும்பத்தினரிடம் மன்னிப்பு கேட்டார், ஆனால் யாரையும் குறை கூறவில்லை அல்லது இந்த நடவடிக்கை எடுத்ததற்கான குறிப்பிட்ட காரணத்தைக் குறிப்பிடவில்லை.
தனிப்பட்ட உறவு பிரச்சினைகள் காரணமாக அவர் மன அழுத்தத்தால் பாதிக்கப்பட்டதாக அவரது பெற்றோர் பின்னர் போலீசாரிடம் தெரிவித்தனர்.
அதே வேளையில், “ஆன்லைன் கேமிங்கில் ஏற்பட்ட இழப்புகள் காரணமாக அவர் தற்கொலை செய்து கொண்டதாக கூறப்பட்ட நிலையில், அவரது தற்கொலைக் குறிப்பில் இதுபோன்ற எந்த விவரமும் எங்களுக்குக் கிடைக்கவில்லை, அவரது பெற்றோரும் அப்படிச் சொல்லவில்லை. நாங்கள் விசாரித்து வருகிறோம்,” என்று ஒரு போலீஸ் அதிகாரி தெரிவித்துள்ளார்.
போலீஸ் அதிகாரிகள் வழக்குப் பதிவு செய்து உடலை பிரேத பரிசோதனைக்கு அனுப்பியுள்ளனர். பிரேத பரிசோதனை அறிக்கைக்குப் பிறகு மரணத்திற்கான இறுதி காரணம் தீர்மானிக்கப்படும் என்று அவர்கள் தெரிவித்தனர்.
இந்த சம்பவம் இளம் மருத்து நிபுணர்களிடையே, குறிப்பாக மருத்துவத் துறையில் மனநல சவால்கள் குறித்த கவலைகளை மீண்டும் எழுப்பியுள்ளது.
