டெல்லி; நிதி ஆயோக் என்பது ‘அயோக்ய அமைப்பு’ என்று இன்று நடைபெறும் கூட்டம் மோடி அரசின் ‘பாசாங்குத்தனம்’ என மூத்த காங்கிரஸ் தலைவர் ஜெய்ராம் ரமேஷ் கடுமையாக விமர்சனம் செய்துள்ளார்.
சமூக நல்லிணக்கத்தின் பிணைப்புகளை அழித்துவிட்டால் அது எப்படிப்பட்ட விசித் பாரத் ஆக இருக்கும்? என மோடி அரசுக்கு பல்வேறு கேள்விகளை எழுப்பி உள்ளார்.
நிதி ஆயோக்கின் 10வது நிர்வாகக் குழு கூட்டம் இன்று தலைநகர் டெல்லியில் பிரதமர் நரேந்திர மோடி தலைமையில் தொடங்கி நடைபெற்று வருகிறது. ‘விசித் பாரதத்திற்கான விசித் ராஜ்யம்@2047’ என்ற கருப்பொருளில் நடைபெற்று வரும் இன்றைய கூட்டத்தில், தமிழ்நாடு முதல்வர் ஸ்டாலின் உள்பட பெரும்பாலான முதல்வர்கள் பங்கேற்றுள்ள நிலையில், கேரள, கர்நாடக , மேற்குவங்க முதல்வர்கள் கூட்டத்தை புறக்கணித்துள்ளதாக தகவல்கள் தெரிவிக்கின்றன.
தற்போது நடைபெற்ற வரும் நிதி ஆயோக்கின் 10வது நிர்வாகக் குழு கூட்டத்தில், 2047ம் ஆண்டிற்குள் வளர்ச்சி அடைந்த இந்தியாவை உருவாக்குவது தொடர்பாக முக்கிய ஆலோசனை நடைபெற்று வருகிறது.
இந்த நிலையில், நிதி ஆயோக் ஒரு அயோக்ய அமைப்பு என்று காங்கிரஸ் மூத்த தலைவர் ஜெய்ராம் ரமேஷ் கடுமையாக சாடியுள்ளார்.
இதுதொடர்பாக அவர் தனது எக்ஸ் தளத்தில் வெளியிட்டுள்ள பதிவில் கூறியிருப்பதாவ,
இன்று பிரதமர் தலைமையில் நிதி ஆயோக்கின் நிர்வாகக் குழு கூடுகிறது. ‘விக்சித் பாரத்’ இலக்கு குறித்த முன்னேற்றத்தை இது மதிப்பாய்வு செய்யும் என்று கூறப்படுகிறது.
அதிகாரத்தில் இருப்பவர்களே தங்கள் தீய வார்த்தைகளாலும் செயல்களாலும் சமூக நல்லிணக்கத்தின் பிணைப்புகளை அழித்துவிட்டால் அது எப்படிப்பட்ட விசித் பாரத் ஆக இருக்கும்?
அதிகாரத்தில் இருப்பவர்கள் தங்கள் தீய இலக்குகளை நிறைவேற்றுவதற்காக நாடாளுமன்றம், நீதித்துறை, பல்கலைக்கழகங்கள், ஊடகங்கள் மற்றும் அரசியலமைப்பு மற்றும் சட்டப்பூர்வ அதிகாரிகளைத் தகர்த்தெறிந்தால் அது எப்படிப்பட்ட விசித் பாரத் ஆக இருக்கும்?
இந்தியா எப்போதும் நிலைநிறுத்தி வரும் மதிப்புகள் உலகத்தின் முழு வெளிச்சத்திலும் முறையாகத் தாக்கப்பட்டால் அது எப்படிப்பட்ட விசித் பாரத் ஆக இருக்கும்?
செல்வம் ஒரு சிலரின் கைகளில் தொடர்ந்து குவிந்து கொண்டிருக்கும்போதும், பொருளாதார ஏற்றத்தாழ்வுகள் மற்றும் ஏற்றத்தாழ்வுகள் கூர்மையாகிவிட்டால் அது எப்படிப்பட்ட விசித் பாரத் ஆக இருக்கும்?
இந்தியாவின் புகழ்பெற்ற பன்முகத்தன்மைகள் வேண்டுமென்றே அவமதிக்கப்பட்டு அழிக்கப்பட்டால் அது எப்படிப்பட்ட விசித் பாரத் ஆக இருக்கும்?
பேச்சு சுதந்திரம் மட்டுமல்ல, பேச்சு சுதந்திரமும் ஆபத்தில் இருக்கும் இந்த நாட்டில் என்ன மாதிரியான விசித் பாரதம் உள்ளது?
நீதி அயோக் – எப்போதாவது இருந்திருந்தால் அயோக்ய அமைப்பான – இன்றைய கூட்டம், பாசாங்குத்தனம் மற்றும் திசைதிருப்பலின் மற்றொரு பயிற்சியாகும்.
இவ்வாறு குறிப்பிட்டுள்ளார்.
