பிரேசிலியா
பிரேசில் நட்டை சேர்ந்த உலகின் மிக வயதான பெண்மணி இனா கனபரோ லூகாஸ் மரணம் அடைந்துள்ளார்.
பிரேசிலைச் சேர்ந்த கன்னியாஸ்திரி இனா கனபரோ லூகாஸ்உ லகின் மிக வயதான நபராவார். இவர் தனது 116 வயதில் நேற்று முன்தினம் உயிரிழந்தார். மே 27, 1908-ல் பிறந்த லூகாஸ் 116 வயது 326 நாட்களில் இறந்துவிட்டதாக கின்னஸ் உலக சாதனைகள் மற்றும் நூற்றாண்டுகளுக்கு மேல் வாழ்பவர்களின் வாழ்க்கையை கண்காணிக்கும் தளமான லாங்கிவிகுவெஸ்ட் தரவுத்தளம் தெரிவித்துள்ளது.
அவரிடம் உங்களின் நீண்ட ஆயுளின் ரகசியம் என்ன என்று பலரும் கேட்கும்போது, அதற்கு காரணம் இறைவனே எனக் கூறுவாராம். கடந்த 2018 ஆம் ஆண்டு லூகாஸ் தனது 110வது பிறந்தநாளின்போது மறைந்த போப் பிரான்சிஸிடமிருந்து ஆசிப் பெற்றார். கடந்த 1934 ஆம் ஆண்டு கன்னியாஸ்திரியாக மாறிய இவர் ஆசிரியராக பணியாற்றினார்.
நேற்று முன் தினம் நிகழ்ந்த லூகாஸ் மறைவின் மூலம் இங்கிலாந்தைச் சேர்ந்த எதெல் கேட்டர்ஹாம் இப்போது உலகில் வாழும் மிக வயதான நபராக மாறியுள்ளார். கனபரோவுக்கு முன்பு, உலகின் மிக வயதான நபர் ஆன ஜப்பானியப் பெண்ணான டோமிகோ இடூகார் ஜனவரி 2025 இல் இறந்தார் .
