மும்பை
பிரபல முன்னாள் கிரிக்கெட்வீரர் கேதர் ஜாதவ் பாஜகவில் இணைந்துள்ளாற்.
கேதர் ஜாதவ் (வயது 40)இந்திய கிரிக்கெட் அணியின் முன்னாள் வீரர் ஆவார். கேதர் ஜாதவ் இந்திய அணிக்காக 73 ஒருநாள் மற்றும் 9 டி20 போட்டிகளிலும், ஐ.பி.எல்.போட்டிகளிலும் விளையாடி உள்ளார். இவர் க டந்த ஆண்டு அனைத்து கிரிக்கெட்டுகளில் இருந்தும் ஓய்வு பெற்றார். அவர் பா.ஜ.க-வில் இணைய உள்ளதாக அப்போதே தகவல் வெளியாகி இருந்தது.
மும்பையில் நேற்று நடந்த விழாவில் கேதர் ஜாதவ், மாநில பா.ஜ.க. தலைவர் சந்திரசேகர் பவன்குலே முன்னிலையில் அக்கட்சியில் இணைந்தார். சந்திரசேகர் பவன்குலே கேதர் ஜாதவ் மாநிலம் முழுவதும் சுற்றுப்பயணம் செய்து இளைஞர்களை சந்திப்பார் என்றும் மாநிலத்தில் பா.ஜ.க-வின் விளையாட்டுப்பிரிவை வலுப்படுத்த அவர் உதவுவார் எனவும் தெரிவித்துள்ளார்..
ஆனால் பா.ஜ.க-வில் இணைந்த கேதர் ஜாதவுக்கு கட்சியில் என்ன பொறுப்பு வழங்கப்படும் என்பது குறித்து பாஜக தலைமையிடம் இருந்து இதுவரை அதிகாரப்பூர்வமாக எந்த தகவலும் வெளியாகவில்லை.
