தேசிய விளையாட்டு தினமான இன்று உடலுக்கும் மனதிற்கும் வலு சேர்க்கும் தற்காப்பு கலையில் இளைஞர்கள் ஈடுபட வேண்டும் என்று ராகுல் காந்தி அறிவுறுத்தியுள்ளார்.
பாரத் ஜோடோ நியாய யாத்ராவின் ஜியு-ஜிட்சு (தற்காப்புக் கலையின் ஒரு வடிவம்) பயிற்சி செய்த வீடியோவை தனது எக்ஸ் பக்கத்தில் பகிர்ந்துள்ள ராகுல் காந்தி இதனைக் குறிப்பிட்டுள்ளார்.
பாரத் ஜோடோ நியாய யாத்திரையின் போது நாங்கள் ஆயிரக்கணக்கான கிலோ மீட்டர்கள் பயணம் செய்தபோது, எங்கள் முகாமில் தினமும் மாலையில் ஜியு-ஜிட்சு பயிற்சி இருந்தது.
உடல் ஆரோக்கியத்தை பராமரிக்க இது எளிதான வழியாகும். ஆனால் அது விரைவில் சமூக நடவடிக்கையாக மாறியது. நாங்கள் தங்கியிருந்த ஒவ்வொரு நகரத்திலும் பயணத்தில் பங்கேற்றவர்கள் மற்றும் அந்த நகரங்களைச் சேர்ந்த இளம் தற்காப்புக் கலை மாணவர்கள் இதில் கலந்து கொண்டனர்.
இந்த மென்மையான கலையின் அழகை இந்த இளைஞர்களுக்கு எடுத்துரைப்பதே எங்கள் நோக்கமாக இருந்தது. தியானம் என்பது ஜியு-ஜிட்சு, அகிடோ மற்றும் அகிம்சை நுட்பங்களின் கலவையாகும். அவர்கள் வன்முறைக்குப் பதிலாக மென்மையைக் கடைப்பிடிக்க வேண்டும் என்று நாங்கள் விரும்புகிறோம், இது அவர்களுக்கு மிகவும் இரக்கமுள்ள மற்றும் பாதுகாப்பான சமூகத்தை உருவாக்க உதவும் என்று ராகுல் காந்தி தெரிவித்துள்ளார்.
தற்காப்பு கலைகளான, அக்கிடோவில் (Aikido) கருப்பு பெல்ட்டும் ஜியு-ஜிட்சுவில் (jiu-jitsu) நீல பெல்ட்டும் பெற்றுள்ளார் ராகுல் காந்தி.
ஜப்பானிய தற்காப்பு கலையான அக்கிடோ எந்த ஆயுதமும் இன்றி பயிற்சி செய்யப்படுவதாகும். அக்கிடோவில் 9 நிலைகள் உள்ளன. ஒவ்வொரு மட்டத்திலும் கருப்பு பெல்ட்கள் உள்ளன.
https://x.com/RahulGandhi/status/1829038570402701566
லெவல்-1ல் பிளாக் பெல்ட் பெற்றுள்ள ராகுல் காந்தி 130 நுட்பங்கள் அறிந்துள்ளார்.
தேசிய விளையாட்டு தினமான இன்று தனது சமூக வலைதள பக்கத்தில் இந்த வீடியோவை வெளியிட்டுள்ள ராகுல் காந்தி விரைவில் பாரத் டோஜோ யாத்ரா முன்னெடுக்கப்படும் என்று குறிப்பிட்டுள்ளார்.
டோஜோ என்பது ஒரு வகை தற்காப்புக் கலைப் பயிற்சிப் பள்ளி. ஜூடோ, கராத்தே அல்லது வேறு சில தற்காப்புக் கலைகளை மக்கள் பயிற்சி செய்யும் இடம்.
ஜப்பானிய மொழியில் டோஜோ என்றால் – செல்லும் வழி. ஆரம்பகால டோஜோக்கள் புத்த கோவில்களுக்குள் கட்டப்பட்டன. அங்கு தீவிர பயிற்சி இருந்தது. இது கெண்டோவின் தற்காப்புக் கலையுடன் தியானத்தையும் உள்ளடக்கியது.
பாரத் டோஜோ யாத்ரா குறித்து இந்த பதிவில் ராகுல் காந்தி குறிப்பிட்டுள்ளதை அடுத்து விரைவில் தற்காப்பு பயிற்சிக்காக சில முயற்சிகளை எடுக்கப் போகிறார் என்று ஊகிக்கப்படுகிறது.