சென்னை
இந்த ஆண்டு கலை மற்றும் அறிவியல் கல்லூரி முதலாண்டு மாணவர்களுக்கு இன்று முதல் நேரடி வகுப்புக்கள் தொடங்குகின்றன.
கொரோனா தாக்கம் காரணமாகக் கடந்த ஆண்டு மார்ச் முதல் அனைத்து கல்வி நிலையங்களும் மூடப்பட்டன. இதனால் தமிழகத்தில் கல்லூரி மாணவர்களுக்கு ஆன்லைன் மூலம் மட்டுமே வகுப்புக்கள் நடந்தன. தமிழகத்தில் தற்போது கொரோனா பரவல் வெகுவாக குறைந்து வருகிறது.
இதையொட்டி சென்ற மாதம் 9 முதல் 12 வகுப்புக்களுக்கான மாணவர்களுக்குப் பள்ளிகளும் கல்லூரிகளும் திறக்கப்பட்டு தற்போது நேரடி வகுப்புக்கள் நடந்து வருகின்றன. மாணவர் சேர்க்கை முடிவடையாததால் இரண்டாம் வருடத்தில் இருந்து மாணவர்களுக்குச் சுழற்சி முறையில் வகுப்புக்கள் நடந்து வருகின்றன.
முதலாண்டு மாணவர் சேர்க்கை தற்போது முடிவடைந்துள்ளது. எனவே கலை மற்றும் அறிவியல் கல்லூரி முதலாண்டு மாணவர்களுக்கு இன்று முதல் நேரடி வகுப்புக்கள் தொடங்குகின்றன. மாணவர்களுக்கு சுழற்சி முறையில் நடைபெற உள்ள வகுப்புக்களில் தடுப்பூசி செலுத்திக் கொண்ட மாணவர்களுக்கு மட்டுமே அனுமதி என அறிவிக்கப்பட்டுள்ளது.