லீட்ஸ்
இன்று இந்தியா மற்றும் இங்கிலாந்துக்கு இடையே மூன்றாம் கிரிக்கெட் டெஸ்ட் போட்டிகள் லீட்ஸ் நகரில் ஆரம்பம் ஆகிறது.
இந்திய கிரிக்கெட் அணியினர் தற்போது இங்கிலாந்து நாட்டில் சுற்றுப்பயணம் செய்து விளையாடி வருகின்றனர். இந்த சுற்றுப் பயணத்தில் இந்தியா மற்றும் இங்கிலாந்து நாடுகளுக்கு இடையே 5 டெஸ்ட் பந்தயங்கள் நடைபெறுகின்றன.. இதில் இந்தியா தற்போது 1-0 என்ற கணக்கில் முன்னிலையில் உள்ளது.
ஏற்ஜபவே நடந்த இரு போட்டிகளில் ஒரு போட்டியில் இந்தியா வெற்றி பெற்று ஒரு போட்டி டிராவில் முடிந்துள்ளது. இன்று மூன்றாம் போட்டி லீட்ஸ் நகரில் தொடங்க உள்ளது. லீட்ஸ் மைதானம் வேகப்பந்து வீச்சாளர்களுக்குச் சாதகமானது என்பதால் அதே இந்திய அணி விளையாடலாம் எனக் கூறப்படுகிறது.
இந்த போட்டியில் தமிழக வீரர் அஸ்வின் ரவிச்சந்திரனுக்கு வாய்ப்பு இருக்காது எனக் கூறப்படுகிறது. அடுத்ததாக இங்கிலாந்து அணியில் இருந்து நீக்கப்பட்டுள்ள சிப்லிக்கு பதிலாக டேவிட் மலான் மற்றும் காயமடைந்துள்ள வேகப் பந்து வீச்சாளருக்குப் பதில் கிரேக் ஓவர்டானும் விளையாடலாம் எனத் தெரிய வந்துள்ளது.