சென்னை: தமிழகத்தில் ஆசிரியர்களுக்கு பயிற்சியளிக்க பல்கலைக்கழகம் ஏற்படுத்தப்படும் என்று முதல்வர் முக ஸ்டாலின் அறிவித்து உள்ளார்.
இன்று விப்ரோ நிறுவன தலைவர் அசிம் பிரேம்ஜியுடன், தமிழக முதல்வர் மு.க ஸ்டாலின் காணொளி வாயிலாக இன்று ஆலோசனை மேற்கொண்டார். அப்போது, இளைஞர்களுக்கு தொழில்நுட்ப பயிற்சிகள் வழங்குவது குறித்து ஆலோசனை நடத்தியதாகவும் மேலும் பல்வேறு முக்கிய விஷயங்களை முதல்வர் பேசியதாகவும் கூறப்படுகிறது.
மேலும், கர்நாடகாவில் உள்ள விப்ரோவின், அசிம் பிரேம்ஜி பல்கலைக்கழகம் ஆசியர்களுக்கு பயிற்சி வழங்குவது போன்று, தமிழகத்திலும் ஆசிரியர்களுக்கு பயிற்சி வழங்க பல்கலைக்கழகம் ஏற்படுத்த திட்டமிட்டு இருப்பதாகவும் தெரிவித்துள்ளார்.
இந்த ஆலோசனை கூட்டத்தில் தமிழக தொழிற்துறை அமைச்சர் தங்கம் தென்னரசு, தலைமைச்செயலாளர் இறையன்பு உள்பட துறை அதிகாரிகள் கலந்துகொண்டனர்.