ஆண்டிகுவா: விண்டீஸ் அணிக்கெதிரான முதல் டெஸ்ட் போட்டியில், முதல் இன்னிங்ஸில், 169 ரன்களுக்கே அனைத்து விக்கெட்டுகளையும் இழந்தது இலங்கை.
டாஸ் வென்ற விண்டீஸ், முதலில் பந்துவீச முடிவெடுத்தது. இலங்கையின் லகிரு திருமன்னே மட்டும் ஓரளவு ஆடி 70 ரன்களை அடித்து அவுட்டானார். அதன்பிறகு டிக்வெல்லா அடித்த 32 ரன்களே இரண்டாவது அதிகபட்ச ரன்.
கருணரத்னே அடித்த 12 ரன்களும், டி சில்வா அடித்த 13 ரன்களுமே அதற்கடுத்த இரட்டை இலக்க ரன்கள். மற்ற 6 வீரர்களுமே ஒற்றைப் படை ரன்களுக்கு ஆட்டமிழந்தனர்.
முடிவில், 69.4 ஓவர்கள் தாக்குபிடித்த இலங்கை, 169 ரன்களுக்கு ஆட்டமிழந்தது.
விண்டீஸ் சார்பில், ஜேஸன் ஹோல்டர் 5 விக்கெட்டுகளை அள்ளினார். கேமர் ரோச்சுக்கு 3 விக்கெட்டுகள் கிடைத்தன.